ទឹកជំនន់ និងការរអិលបាក់ដី នៅក្នុងខេត្តស៊ូម៉ាត្រា ប្រទេសឥណ្ឌូនេស៊ីសម្លាប់ បណ្តាលឱ្យមនុស្សយ៉ាងហោចណាស់២១នាក់ និង ៦នាក់ទៀតបាត់ខ្លួន
ហ្សាការតា៖គ្រោះធម្មជាតិនេះបានសម្លាប់មនុស្សយ៉ាងហោចណាស់ ២១នាក់ និង ៦នាក់ទៀតបាត់ខ្លួន បើតាមក្រុមអាជ្ញាធរបាននិយាយកាលពីថ្ងៃអាទិត្យ ទី១០ ខែមីនា ។។នេះបើយោងតាមការចេញផ្សាយដោយសារព័ត៌មាន CNA នាថ្ងៃអាទិត្យ ទី១០ ខែមីនា ឆ្នាំ២០២៤។
ភ្លៀងធ្លាក់ខ្លាំងជាច្រើនថ្ងៃបាននាំមកនូវទឹកជំនន់ និងការរអិលបាក់ដីនៅក្នុងខេត្តស៊ូម៉ាត្រាភាគខាងលិចរបស់ប្រទេសឥណ្ឌូនេស៊ី ដោយបង្ខំឱ្យមានការជម្លៀសមនុស្សជាង ៧៥,០០០នាក់ ។គ្រោះមហន្តរាយចាប់តាំងពីថ្ងៃព្រហស្បតិ៍សប្តាហ៍មុន នៅក្នុងទីរួមខេត្ត Padang និងតំបន់ចំនួន ៨ផ្សេងទៀត បានបំផ្លាញផ្ទះជិត ៧០០ខ្នង ស្ពាន និងសាលារៀនជាច្រើនកន្លែង និងដីស្រែចំនួន ១១៣ហិកតាត្រូវជន់លិច។
មន្ត្រីមកពីទីភ្នាក់ងារកាត់បន្ថយគ្រោះមហន្តរាយកោះស៊ូម៉ាត្រាខាងលិច បានប្រាប់ AFP តាមទូរស័ព្ទកាលពីថ្ងៃអាទិត្យថា «គិតត្រឹមថ្ងៃទី១០ ខែមីនា នេះ មនុស្ស ២១នាក់ត្រូវបានគេបញ្ជាក់ថាបានស្លាប់ ហើយមនុស្ស ៦នាក់នៅតែបាត់ខ្លួន»។
មន្រ្តីរូបនេះបាននិយាយថា ភូមិមួយស្ថិតនៅលើភ្នំមួយក្នុងសង្កាត់ Sutera ត្រូវបានវាយប្រហារយ៉ាងធ្ងន់ធ្ងរ ដោយមានប្រជាជនប្រហែល ២០០គ្រួសារនៅក្នុងតំបន់នេះ បានជម្លៀសចេញ បន្ទាប់ពីមានការរអិលបាក់ដីហើយបន្ទាប់មកមានទឹកជំនន់វាយប្រហារភ្លាមៗ។ ភ្លាមៗ មន្ត្រីមូលដ្ឋានម្នាក់បានប្រាប់ឱ្យដឹងថា ចំនួនមនុស្សស្លាប់មាន១៨នាក់ និងបាត់ខ្លួន៥នាក់៕
