(អាមេរិក)៖ ប្រធានាធិបតីអាមេរិក លោក ចូ បៃដិន បានថ្កោលទោសការសម្លាប់បុរសជាអ្នកកា​ន់សា​សនាអ៉ីស្លាម (មូស្លីម) ៤នាក់ នៅក្នុងរដ្ឋNew Mexico ជាប់ពាក់ព័ន្ធ ឬជាបទឧក្រិដ្ឋបង្កឡើ​ងដោ​យ​ការស្អ​ប់ខ្ពើម។ នេះបើតាមការចេញផ្សាយដោយទីភ្នាក់ងារ សារព័ត៌មានBBC នៅថ្ងៃ ទី៨ ខែសីហា ឆ្នាំ២០២២។

លោក បៃដិន បានគូសបញ្ជាក់ដូច្នេះថា «ខ្ញុំពិតជាខឹងសម្បារ និងមានអារម្មណ៍សោកសៅជាទីបំផុត ចំពោះការសម្លាប់បុរសមូស្លីម៤នាក់ នៅក្នុងទីក្រុង អាល់ប៊ូខឺគី (Albuquerque)»។ លោកប ន្ថែម ថា «ខណៈយើងកំពុង រង់ចាំការស៊ើបអង្កេតពេញលេញ ខ្ញុំសូមបន់ស្រន់ជាមួយគ្រួសារជនរងគ្រោះ ហើយរដ្ឋបាលរបស់ខ្ញុំនឹងគាំទ្រយ៉ាងរឹងមាំដល់សហគមន៍មូស្លីម។ ការវាយប្រហារ ដ៏គួរឱ្យស្អប់បែបនេះ ជារឿងមិនអាចទទួលយកបានជាដាច់ខាតនៅសហរដ្ឋអាមេរិក»។

គួរបញ្ជាក់ថា ប៉ូលិសអាមេរិក កាលពីថ្ងៃសុក្រសប្ដាហ៍មុន បានរកឃើញបុរសមូស្លីមជាជនរងគ្រោះចុ ងក្រោយម្នាក់ ក្នុងទីក្រុង អាល់ប៊ូខឺគី បន្ទាប់ពីបុរសមូស្លីម ៣នាក់ត្រូវបានគេប្រទះឃើញស្លាប់ កាលពីពេលថ្មីៗនេះ។ នៅក្នុងចំណោមជនរងគ្រោះទាំងនេះមាន២នាក់ ជាជនជាតិប៉ាគីស្ថាន មានអាយុ២៧ឆ្នាំ ដែលត្រូវបានគេប្រទះឃើញសាកសពកាលពីថ្ងៃទី១ ខែសីហា និងម្នាក់ទៀ តមានអាយុ៤១ឆ្នាំ កាលពីថ្ងៃទី២៦ ខែកក្កដាកន្លងទៅ៕SP