បាងកក៖ នៅថ្ងៃទី២៥ ខែមិថុនា ឆ្នាំ២០២៥ បានឱ្យដឹងថា មន្ត្រីបាននិយាយកាលពីថ្ងៃចន្ទថា បុរស៨នាក់ត្រូវបានចាប់ខ្លួន កាលពីថ្ងៃសៅរ៍នៅក្នុងខេត្ត Rayong ពីបទប៉ុនប៉ងរត់ពន្ធគ្រឿងញៀនជិត ២,៦ តោន ឆ្លងកាត់ព្រំដែនភាគខាងត្បូង។ ពួកគេមិនបានបញ្ជាក់លម្អិតពីគោលដៅដែលបានគ្រោងទុក ឬប្រភពដើមនៃថ្នាំញៀនទាំងនោះ នោះទេ។នេះបើតាមការចេញផ្សាយរបស់ យោងតាមសារព័ត៌មាន VN Express នៅថ្ងៃទី ២៥ខែមិថុនា ឆ្នាំ២០២៥។

នាយកដ្ឋានស៊ើបអង្កេតពិសេសរបស់ប្រទេសថៃបាននិយាយថា ប្រសិនបើលក់ទៅក្រៅប្រទេស ថ្នាំញៀនទាំងនោះត្រូវបានគេប៉ាន់ប្រមាណថា មានតម្លៃជាង ៣ ពាន់លានបាត ស្មើនឹង ៩០,៨ លានដុល្លារ។

ថ្នាំញៀនត្រូវបានគេវេចខ្ចប់ក្នុងថង់ប្លាស្ទិក ដោយបន្លំជាកញ្ចប់ម្សៅពោត ។ កញ្ចប់នីមួយៗមានទម្ងន់ប្រហែលមួយគីឡូក្រាម។ អាជ្ញាធរបាននិយាយថា ពួកគេក៏បានរឹបអូសរថយន្តមួយគ្រឿង និងរថយន្តដែលគេជឿថា មានជាប់ពាក់ព័ន្ធនឹងការរត់ពន្ធគ្រឿងញៀន៕