អាមេរិក៖ ឧទ្យានមួយក្នុងរដ្ឋតិចសាស់ ឥឡូវនេះបានអះអាងថា ដានជើងដាយណូស័រមានអាយុកាលជាង ១១៣ លានឆ្នាំមកហើយ។នេះបើតាមការចេញផ្សាយដោយសារព័ត៌មាន រ៉យទ័រ នៅថ្ងៃទី២៥ ខែសីហា ឆ្នាំ២០២២។

ឧទ្យានDinosaur Valley State Park នៅជិត Fort Worth រដ្ឋ Texas ដែលល្បីល្បាញ បានរកឃើញស្នាមជើងដាយណូស័រដែលត្រូវបានគ្របដណ្តប់ដោយទឹក និងដីល្បាប់។ឥឡូវនេះ រដូវក្តៅនៃគ្រោះរាំងស្ងួតបានធ្វើឱ្យទន្លេ Paluxy របស់វាធ្លាក់ចុះ ផ្លូវពីរាប់លានឆ្នាំមុនអាចត្រូវបានគេមើលឃើញ។

លោក Asa Vermeulen ជំនួយការអគ្គនាយកនៅឧទ្យាន Dinosaur Valley State Park និយាយថា នេះជាដានជើង និងផ្លូវដាយណូស័រ Acrocanthosaurus តាំងពីរាប់លានឆ្នាំមុន។

លោក Vermeulen និយាយថា ដាយណូស័រ "បានដើរកាត់ ហើយបន្ទាប់មកមានអ្វីមួយគ្របដណ្តប់លើពួកវា មិនថាជាទឹកជំនន់ស្រទាប់ដីឥដ្ឋ និងថ្មកំបោរ។មន្ត្រីឧទ្យានបាននិយាយថា ពួកគេប្រហែលជាផ្លូវវែងបំផុតដែលដាយណូស័របានដើរ និងត្រូវបានរកឃើញនៅអាមេរិកខាងជើង៕SP