ប្រទេសកូរ៉េខាងជើងបាញ់សាកល្បងមីស៊ីលរយៈចម្ងាយឆ្ងាយពីរគ្រាប់បន្ថែមទៀត ខណៈ លោកគីមសរសើរសមត្ថភាពនៃអាវុធយុទ្ធសាស្ត្រមួយនេះ
កូរ៉េខាងជើង៖ កូរ៉េខាងជើងបានបាញ់សាកល្បងកាំជ្រួចយុទ្ធសាស្ត្ររយៈចម្ងាយឆ្ងាយមួយគូ ដោយមេដឹកនាំគីម ជុងអ៊ុន សមត្ថភាពវាយប្រហារនុយក្លេអ៊ែរយុទ្ធសាស្ត្ររបស់ប្រទេសខ្លួន។នេះបើតាមការចេញផ្សាយដោយសារព័ត៌មានAljazeera នៅថ្ងៃទី១៣ ខែតុលា ឆ្នាំ២០២២។
ប្រព័ន្ធផ្សព្វផ្សាយរដ្ឋ KCNA បានរាយការណ៍នៅព្រឹកថ្ងៃព្រហស្បតិ៍ថា ការធ្វើតេស្តនេះបានធ្វើឡើងកាលពីថ្ងៃពុធ ហើយមានគោលបំណង "បង្កើនប្រសិទ្ធភាពប្រយុទ្ធ នៃមីស៊ីលឆ្លងទ្វីប ដែលត្រូវបានដាក់ពង្រាយទៅកាន់កងទ័ពប្រជាជនកូរ៉េ "សម្រាប់ប្រតិបត្តិការអាវុធនុយក្លេអ៊ែរ" ។
ក្នុងការបាញ់សាកល្បងមីស៊ីលរយៈចម្ងាយឆ្ងាយពីរគ្រាប់បន្ថែមទៀត ជាការបាញ់បង្ហោះអាវុធចុងក្រោយបំផុត ដែលបង្កើនភាពតានតឹងនៅលើឧបទ្វីបកូរ៉េដែលបែកបាក់ និងបង្កើនការភ័យខ្លាចថា ទីក្រុងព្យុងយ៉ាងនឹងធ្វើការសាកល្បងនុយក្លេអ៊ែរលើកដំបូងរបស់ខ្លួនក្នុងរយៈពេលប្រាំឆ្នាំ កាំជ្រួចធ្វើដំណើរបានចម្ងាយ ២,000 គីឡូម៉ែត្រ លើសមុទ្រ ។
សម្រាប់ការធ្វើតេស្តនេះលោក Kim មេដឹកនាំកូរ៉េខាងជើង បាននិយាយថាគឺជាការព្រមានច្បាស់លាស់មួយទៀតចំពោះ "ខ្មាំងសត្រូវ" របស់ខ្លួន ប្រទេសកូរ៉េខាងជើងគួរតែបន្តពង្រីកប្រតិបត្តិការនៃកងកម្លាំងប្រដាប់អាវុធយុទ្ធសាស្ត្រនុយក្លេអ៊ែរ ។
សូមបញ្ជាក់ថា កាលពីថ្ងៃចន្ទ លោក គីម បានត្រួតពិនិត្យការធ្វើសមយុទ្ធនុយក្លេអ៊ែររយៈពេលពីរសប្តាហ៍ រួមទាំងការសាកល្បងកាំជ្រួចមីស៊ីលផ្លោងរយៈចម្ងាយមធ្យមថ្មី (IRBM) ដែលត្រូវបានបាញ់លើប្រទេសជប៉ុន ជាការតវ៉ាប្រឆាំងនឹងសមយុទ្ធកងទ័ពជើងទឹករួមគ្នានាពេលថ្មីៗនេះដោយកូរ៉េខាងត្បូង និង អាមេរិក ដែលជាប់ពាក់ព័ន្ធនឹងនាវាផ្ទុកយន្តហោះដើរដោយថាមពលនុយក្លេអ៊ែរ USS Ronald Reagan៕SP
