អាមេរិក៖ប្រធានសភាតំណាងរាស្រ្តអាមេរិក លោកស្រី ណាន់ស៉ី ផេឡូស៉ី (Nancy Pelosi)បានដឹកនាំគណៈប្រតិភូអាមេរិកជាផ្លូវការលើកដំបូងទៅកាន់អ៊ុយក្រែន ចាប់តាំងពីសង្គ្រាមនេះចាប់ផ្តើម ។នេះបើតាមការចេញដោយសារព័ត៌មានCNNនៅថ្ងៃទី១ ខែឧសភា ឆ្នាំ២០២២។

លោក Zelensky បានចែករំលែកវីដេអូមួយកាលពីថ្ងៃអាទិត្យដែលគាត់បានជួបជាមួយ Pelosi ក្នុងទីក្រុង Kyiv ហើយអរគុណសហរដ្ឋអាមេរិកសម្រាប់ការគាំទ្រយ៉ាងខ្លាំងប្រឆាំងនឹងការឈ្លានពានរបស់រុស្ស៊ី។

ការិយាល័យរបស់លោកស្រី Pelosi បានបញ្ជាក់ពីការធ្វើដំណើរនេះនៅក្នុងសេចក្តីថ្លែងការណ៍នៅពីថ្ងៃអាទិត្យ ដោយនិយាយថា ប្រធានសភាបានដឹកនាំគណៈប្រតិភូសភាជាផ្លូវការទៅកាន់អ៊ុយក្រែន ដែលជាលើកដំបូងចាប់តាំងពីការឈ្លានពានរបស់រុស្ស៊ី។

ការិយាល័យរបស់លោក Pelosi បាននិយាយថា គណៈប្រតិភូកំពុងធ្វើដំណើរទៅកាន់ប្រទេសប៉ូឡូញបន្ទាប់ ដែលកន្លែងនោះ ជាទីជំនួបអ្នកនយោបាយអាមេរិកជាមួយប្រធានាធិបតី Andrzej Duda និងមន្ត្រីជាន់ខ្ពស់ផ្សេងទៀត៕SP