អន្តរជាតិ៖ យោធាអាមេរិក និងកូរ៉េខាងត្បូង នៅតែមានការប្រុងប្រយ័ត្នប្រឆាំងនឹងការបង្កហេតុដោយកូរ៉េខាងជើង បន្ទាប់ពីបានបញ្ចប់ការធ្វើសមយុទ្ធចុះចតលើអាកាសទ្រង់ទ្រាយធំ។ នេះបើយោងតាមការចុះផ្សាយដោយទីភ្នាក់ងារសារព័ត៌មាន NHK នៅថ្ងៃទី ០៣ មេសា ២០២៣។

សមយុទ្ធ Ssangyong ដែលប្រែថា "នាគទ្វេ" បានចាប់ផ្តើមនៅថ្ងៃទី 20 ខែមីនា នៅទីក្រុង Pohang ភាគអាគ្នេយ៍ប្រទេសកូរ៉េខាងត្បូង។ វាជាសមយុទ្ធធំលើកដំបូងក្នុងរយៈពេលប្រាំឆ្នាំ។

យោធាកូរ៉េខាងត្បូងបាននិយាយថា សមយុទ្ធនេះមានទាហានជាង១០.០០០នាក់ នឹងនាវាប្រហែល 30 គ្រឿង និងរថពាសដែក 50 គ្រឿងត្រូវបានចល័ត។ 

សមយុទ្ធរួមគ្នារវាងអាមេរិក និងកូរ៉េខាងត្បូង ត្រូវបានលុបចោល ឬកាត់បន្ថយក្រោមការគ្រប់គ្រងរបស់អតីតប្រធានាធិបតីកូរ៉េខាងត្បូង លោក Moon Jae-in ដែលចង់ជំរុញកិច្ចសន្ទនាជាមួយកូរ៉េខាងជើង ប៉ុន្តែរដ្ឋបាលរបស់ប្រធានាធិបតី Yoon Suk-yeol បាននិងកំពុងពង្រីកសមយុទ្ធ។

ក្រសួងការពារជាតិកូរ៉េខាងត្បូងបាននិយាយថា ប្រទេសនេះបានចាប់ផ្ដើមធ្វើសមយុទ្ធកងទ័ពជើងទឹកត្រីភាគីរយៈពេលពីរថ្ងៃជាមួយសហរដ្ឋអាមេរិក និងជប៉ុន ដែលពាក់ព័ន្ធនឹងនាវាផ្ទុកយន្តហោះដើរដោយថាមពលនុយក្លេអ៊ែរ USS Nimitz៕