អន្តរជាតិ៖ រដ្ឋាភិបាលប៊ុលហ្គារីបានបដិសេធសំណើរបស់អ៊ុយក្រែនសុំសព្វាវុធធុនធ្ងន់ ដោយលើកឡើងពីការសម្រេចចិត្តរបស់សភាកាលពីពេលមុន ដែលបានបញ្ជាក់យ៉ាងច្បាស់អំពីដែនកំណត់នៃជំនួយយោធាដល់ទីក្រុងគីវ។ នេះបើយោងតាមការចុះផ្សាយដោយទីភ្នាក់ងារសារព័ត៌មាន BBC នៅថ្ងៃទី ០៣ តុលា ២០២២។

រដ្ឋមន្ត្រីការពារជាតិចាំផ្ទះលោក ឌីមីថា ស្តយ៉ាណាល់ (Dmitar Stoyanov) បាននិយាយថា ដរាបណាខ្ញុំជារដ្ឋមន្ត្រី «អាវុធនឹងមិនត្រូវបានផ្តល់ឱ្យនោះទេ» មុនពេលទាត់ចោល ការគំរាមដោយផ្ទាល់ពីប៊ុលហ្គារីដែលក្លាយជាប្រទេសជាប់ពាក់ព័ន្ធនៅក្នុងសង្គ្រាម ប៉ុន្តែទទួលស្គាល់ថា វាមានហានិភ័យដល់សន្តិសុខជាតិ ដោយវាគ្មានផ្លូវទេដែលខ្ញុំនឹងផ្តល់អាវុធធុនធ្ងន់ឱ្យទៅអ៊ុយក្រែន។

គួររំលឹកដែលថា ក្រុមប្រឹក្សាសន្តិសុខបានកោះប្រជុំដើម្បីពិភាក្សាអំពីការវិវឌ្ឍន៍ចុងក្រោយបំផុត និងអាចធ្វើទៅបានបន្ទាប់ពីមានការចល័តផ្នែកមួយដែលបានប្រកាសនៅក្នុងប្រទេសរុស្ស៊ី និងការធ្វើប្រជាមតិនៅក្នុងតំបន់ចំនួនបួនដែលរុស្ស៊ីកាន់កាប់ដោយអ៊ុយក្រែន។

ក្រសួងការបរទេសរុស្ស៊ីបាននិយាយកាលពីថ្ងៃពុធថា ជាង៩៨ភាគរយ បានបោះឆ្នោតគាំទ្រក្នុងការចូលរួមជាមួយរុស្ស៊ី ខណៈការបោះឆ្នោតនេះត្រូវបានសហគមន៍អន្តរជាតិថ្កោលទោសយ៉ាងទូលំទូលាយ ដោយប្រទេសនៅអឺរ៉ុប និងអាមេរិកបានហៅពួកគេថាជា «ការបោកប្រាស់» ហើយនិយាយថា ពួកគេនឹងមិនត្រូវបានទទួលស្គាល់ឡើយ ៕