អន្តរជាតិ៖ ទីក្រុងប្រាកប្រហែលជាត្រូវបោះចោលវ៉ាក់សាំងការពារជំងឺកូវីដ ១៩ របស់ក្រុមហ៊ុន AstraZeneca រាប់ពាន់ដូសព្រោះវាផុតកំណត់នៅខែក្រោយ ។ នេះបើយោងតាមសេចក្ដីរាយការណ៍ដោយសារព័ត៌មាន RT នៅថ្ងៃទី១៣ កញ្ញា ២០២១៕

ស្ថានីយវិទ្យុឆែក IROZHLAS បានរាយការណ៍ថាវ៉ាក់សាំងចំនួន ៥៥.០០០ ដូសផលិតដោយក្រុមហ៊ុនអង់គ្លេស-ស៊ុយអែត AstraZeneca ហើយបញ្ជូនទៅសាធារណរដ្ឋឆែកគ្រោងនឹងផុតកំណត់នៅចុងខែតុលានេះ។ 

នេះបើយោងតាមទិន្នន័យដែលបានដកស្រង់នៅក្នុងរបាយការណ៍មានតែមនុស្ស ៣៦ នាក់ប៉ុណ្ណោះដែលបានជ្រើសរើស AstraZeneca កាសម្រាប់ការចាក់វ៉ាក់សាំងលើកដំបូងរបស់ពួកគេនៅក្នុងខែកញ្ញាហើយមនុស្សសរុបចំនួន ៧៧៤ នាក់ត្រូវបានចាក់វ៉ាក់សាំងការពារ។

គួរបញ្ជាក់ថា ក្នុងអំឡុងខែកក្កដានិងសីហាមានតែប្រមាណ ១.២០០ នៃអ្នកដែលបានចាក់វ៉ាក់សាំងថ្មីប៉ុណ្ណោះដែលបានជ្រើសរើសវ៉ាក់សាំងរបស់ AstraZeneca ដែលជាចំណែកតូចមួយនៃប្រជាជន ៨៦០.០០០ នាក់ដែលបានដាក់ពាក្យសុំចាក់ថ្នាំលើកដំបូងនៅក្នុងរយៈពេលនោះ។RT