(Reuters) ៖ប្រព័ន្ធផ្សព្វផ្សាយក្នុងស្រុកបានរាយការណ៍ ថាតុលាការសិង្ហបុរីបានកាត់ទោសបុរសជនជាតិអង់គ្លេសម្នាក់ឲ្យជាប់ពន្ធនាគារ រយៈពេល  ០៦ សប្តាហ៍  បន្ទាប់ពីលោកបានបំពានច្បាប់ ទប់ស្កាត់ជម្ងឹកូវីដ ដោយបដិសេធមិនពាក់ម៉ាសមុខនៅទីសាធារណៈម្តងហើយ  ម្តងទៀត  ។ 

លោក  Benjamin  Glynn  អាយុ ៤០ឆ្នាំត្រូវបានគេរកឃើញថាមានពិរុទ្ធពីបទចោទប្រកាន់ចំនួនបួន ករណី ទីមួយចំពោះការខកខានមិនបានពាក់ម៉ាស់ នៅលើរថភ្លើងក្នុង ខែឧសភា  ទីពីរ  ការខកខានមិនបានពាក់ម៉ាស់ក្នុងការបង្ហាញខ្លួននៅតុលាការ ក្នុងខែកក្កដា  ទី បី ការ បង្កឲ្យមានការរំខាន ជាសាធារណៈនិង ទីបួន ការប្រើពាក្យ គំរាមកំហែងដល់មន្ត្រីសាធារណៈ ។ 

លោក  Glynn  ត្រូវបានចៅក្រមបញ្ជូនទៅទទួលការវាយតម្លៃ ផ្នែកចិត្តសាស្ត្រ ដោយសារ តែទង្វើរ  និងការនិយាយស្តីរបស់លោកនៅក្នុង តុលាការ ។ 

កាលពី ថ្ងៃ ពុធ លោក បាន ស្នើរសុំឲ្យតុលាការឱ្យ ទំលាក់ការចោទប្រកាន់នេះ  ដែលលោកហៅ ថា  “ ការ ចោទប្រកាន់ដោយខុសច្បាប់ ”  ហើយស្នើរសុំឲ្យប្រគល់លិខិតឆ្លងដែនរបស់លោកវិញ  ដូច្នេះលោកអាចត្រលប់ទៅប្រទេសអង់គ្លេសវិញ ដើម្បីជួបជុំជាមួយ គ្រួសាររបស់លោក  នេះបើយោងតាមសារព័ត៌មាន CNA ។ 

ចៅក្រមដែលត្រូវបាន ដកស្រង់សម្តីបានប្រាប់លោក Glynn  ថាលោកបាន “ យល់ ច្រឡំទាំងស្រុង”  ក្នុងជំនឿ ដែលថាលោកត្រូវបាន លើកលែងដោយច្បាប់របស់សិង្ហបុរីស្តីពីការពាក់ម៉ាស់ ។ 

កាលពីថ្ងៃ ពុធ លោក  Glynn បាន បង្ហាញខ្លួននៅក្នុងតុលាការ ប៉ុន្តែអ្នកព័ត៌មាន រ៉យទ័របានទាក់ទងតាមទូរស័ព្ទ និងសារ មិន ត្រូវ បានឆ្លើយតបទេ ។ 

ប្រទេសសឹង្ហបុរី ជាមជ្ឈមណ្ឌល ពាណិជ្ជកម្មអាស៊ី ល្បីឈ្មោះដោយសារការអនុវត្ត ច្បាប់តឹងរ៉ឹងនិងបានដាក់ពន្ធធានាគារ ហើយផាកពិន័យ បុគ្គលដែលបំពានបទបញ្ជាទប់ស្កាត់ជម្ងឺកូវីដ ១៩  ។  ជនបរទេសខ្លះ ត្រូវបាន ដកហូតប័ណ្ណការងាររបស់ពួកគេដោយសារតែពួកគេ រំលោភច្បាប់ ៕