មីយ៉ាន់ម៉ា៖ តុលាការនៅក្នុងប្រទេសមីយ៉ាន់ម៉ាដែលគ្រប់គ្រងដោយយោធាបានពន្យារពេលសាលក្រមដំបូងក្នុងការកាត់ទោសមេដឹកនាំដែលត្រូវបានបណ្តេញចេញពីអំណាច លោកស្រី អ៊ុងសាន ស៊ូជី ដល់ថ្ងៃទី ៦ ខែធ្នូ នេះបើយោងតាមប្រភពដែលដឹងពីដំណើរការនីតិវិធីបាននិយាយ។

ម្ចាស់ជ័យលាភីណូបែលសន្តិភាព ដែលបានដឹកនាំរដ្ឋាភិបាលស៊ីវិលជាប់ឆ្នោត ហើយត្រូវបានបណ្តេញចេញពីរដ្ឋប្រហារយោធាកាលពីថ្ងៃទី ០១ ខែកុម្ភៈ ត្រូវបានឃុំខ្លួនដោយមិនមានទំនាក់ទំនង និងត្រូវបានកាត់ទោសចាប់តាំងពីខែមិថុនា ដោយសវនាការរបស់តុលាការ បិទទ្វារមិនអោយអ្នកណាដឹង។

កាលពីថ្ងៃអង្គារ តុលាការត្រូវបានកាត់ទោសលើការចោទប្រកាន់ពីបទញុះញង់ និងការរំលោភលើពិធីសាររឿងជំងឺកូវីដ ១៩ ក្រោមច្បាប់គ្រោះមហន្តរាយធម្មជាតិ ក្នុងចំណោមករណីជិត ១២ ករណី ប្រឆាំងនឹងលោកស្រី ស៊ូជី អាយុ ៧៦ ឆ្នាំ ដែលបានច្រានចោលការចោទប្រកាន់ទាំងអស់។

យ៉ាងណាម៉ិញ ប្រភពដែលនិយាយក្នុងលក្ខខណ្ឌមិនបញ្ចេញឈ្មោះមិនបានប្រាប់ពីមូលហេតុនៃការពន្យារពេលនេះទេ។

អ្នកគាំទ្រលោកស្រី ស៊ូជី និយាយ ថាករណីប្រឆាំងលោកស្រីមានហេតុផលនយោបាយ។ ជាក់ស្តែង ទាំងរបបយោធានិងប្រព័ន្ធផ្សព្វផ្សាយរដ្ឋមិនបានផ្តល់ព័ត៌មានអំពីដំណើរការនីតិវិធីនេះទេ ហើយការចេញដីកាហាមប្រាមត្រូវបានដាក់លើមេធាវីរបស់ចុងចោទដែរ។ លោកស្រី ស៊ូជី ក៏ត្រូវបានចោទប្រកាន់ពីបទពុករលួយ និងរំលោភលើទង្វើសម្ងាត់ផ្លូវការមួយទៀតផង។

គួររំលឹកថា ប្រទេសមីយ៉ាន់ម៉ាបានស្ថិតក្នុងភាពចលាចលចាប់តាំងពីការផ្តួលរំលំលោកស្រី ដោយរបបយោធាកំពុងតស៊ូដើម្បីបង្រួបបង្រួមអំណាច ចំពេលមានការតវ៉ា ការវាយប្រហារ និងការតស៊ូប្រដាប់អាវុធដោយក្រុមជីវពលសម្ព័ន្ធមិត្តជាមួយរដ្ឋាភិបាលស្រមោល ក្នុងការសងសឹកចំពោះការប្រើប្រាស់កម្លាំងដ៏ប្រល័យរបស់យោធា។ NR