អាមេរិក៖ អ្នកផលិតថ្នាំបាននិយាយកាលពីថ្ងៃអង្គារថា វ៉ាក់សាំងកូវីដ១៩ របស់ក្រុមហ៊ុន ម៉ូឌីណា (Modena) បានបង្ហាញពីការសន្យាប្រឆាំងនឹងវ៉ារ៉្យង់វីរុស Delta ដែលត្រូវបានរកឃើញដំបូងនៅក្នុងប្រទេសឥណ្ឌា។

ការសិក្សានេះត្រូវបានធ្វើឡើងលើសេរ៉ូមឈាមពីអ្នកចូលរួមចំនួន ៨ នាក់ ដោយទទួលបានមួយសប្តាហ៍ បន្ទាប់ពីពួកគេបានទទួលវ៉ាក់សាំងលើកទី ២ គឺ mRNA-1273 ។

តាមរយៈក្រុមហ៊ុន ម៉ូឌីណា វ៉ាក់សាំងនេះបានធ្វើឱ្យមានការឆ្លើយតបនៃអង្គបដិប្រាណប្រឆាំងនឹងវ៉ារ្យ៉ង់ទាំងអស់ដែលបានធ្វើតេស្ត ប៉ុន្តែមានមួយដែលនៅទាបជាងក្នុងករណីទាំងអស់ ចំពោះសកម្មភាពបន្សាបរបស់វ៉ាក់សាំងប្រឆាំងនឹងវីរុសហ្សែនដើមដែលត្រូវបានរកឃើញដំបូងនៅក្នុងប្រទេសចិន។

ទិន្នន័យក៏បានបង្ហាញថា វ៉ាក់សាំងនេះមានប្រសិទ្ធភាពក្នុងការផលិតអង្គបដិប្រាណប្រឆាំងនឹងវ៉ារ៉្យង់វីរុស Delta ជាជាងវ៉ារ្យ៉ង់វីរុស Beta ដែលត្រូវបានរកឃើញដំបូងនៅអាហ្វ្រិកខាងត្បូង។