សេអ៊ូល៖ ប្រធានាធិបតីកូរ៉េខាងត្បូង លោក ម៉ូន ជេអ៊ីន បានប្តេជ្ញាកាលពីថ្ងៃច័ន្ទថា នឹងប្រើរយៈពេលប៉ុន្មានខែចុងក្រោយរបស់លោកនៅក្នុងតំណែង ដើម្បីជំរុញឱ្យមានការទម្លាយផ្លូវទូតជាមួយកូរ៉េខាងជើង ទោះបីជាមានភាពស្ងៀមស្ងាត់ជាសាធារណៈពីទីក្រុងព្យុងយ៉ាង ចំពោះការប៉ុនប៉ងរបស់លោកសម្រាប់ការប្រកាសសន្តិភាពរវាងភាគីទាំងពីរក៏ដោយ។

លោក ម៉ូន ជេអ៊ីន បាននិយាយនៅក្នុងសុន្ទរកថាឆ្នាំថ្មីចុងក្រោយរបស់លោកថា "រដ្ឋាភិបាលនឹងបន្តការធ្វើឱ្យមានប្រក្រតីភាពនៃទំនាក់ទំនងអន្តរកូរ៉េ និងផ្លូវដែលមិនអាចត្រឡប់ទៅកាន់សន្តិភាពវិញរហូតដល់ទីបញ្ចប់" ។ លោកបញ្ជាក់ថា "ខ្ញុំសង្ឃឹមថាកិច្ចខិតខំប្រឹងប្រែងសម្រាប់ការសន្ទនានឹងបន្តនៅក្នុងរដ្ឋបាលបន្ទាប់ផងដែរ" ។

ជាក់ស្តែង លោក ម៉ូន ជេអ៊ីន កំពុងជំរុញឱ្យមាន "ការបញ្ចប់នៃការប្រកាសសង្រ្គាម" ជាមធ្យោបាយមួយដើម្បីចាប់ផ្តើមការចរចារដែលជាប់គាំងទាំងនោះ ហើយរដ្ឋបាលរបស់លោកបានណែនាំអំពីការពិភាក្សាក្រោយវេទិការ (backchannel) ។ ប៉ុន្តែកូរ៉េខាងជើងមិនបានឆ្លើយតបជាសាធារណៈចំពោះការជំរុញចុងក្រោយនេះទេ ហើយសហរដ្ឋអាមេរិកបាននិយាយថា ខ្លួនគាំទ្រគំនិតនេះ ប៉ុន្តែប្រហែលជាមិនយល់ស្របជាមួយពេលវេលារបស់កូរ៉េខាងត្បូងទេ។

គួររំលឹកថា ជំងឺរាតត្បាតកូវីដ ១៩ បានគ្របដណ្ដប់លើការប្រឈមមុខដាក់គ្នាជាមួយកូរ៉េខាងជើង ខណៈដែលទីក្រុងព្យុងយ៉ាងបានបិទប្រទេសដែលមិនធ្លាប់មានពីមុនមក ហើយលោក ម៉ូន ជេអ៊ីន បានប្រឈមមុខនឹងសម្ពាធក្នុងស្រុកដើម្បីលុបបំបាត់ការផ្ទុះឡើងនៃមេរោគឆ្លងដ៏ធំដំបូងគេនៅខាងក្រៅប្រទេសចិន នៅដើមឆ្នាំ ២០២០។ NR