សេអ៊ូល៖ ប្រព័ន្ធផ្សព្វផ្សាយរដ្ឋបានរាយការណ៍កាលពីថ្ងៃអង្គារថា មេដឹកនាំកូរ៉េខាងជើង លោក គីម ជុងអ៊ុន នៅសប្តាហ៍នេះ បានបើកកិច្ចប្រជុំគណបក្សកាន់អំណាចដ៏សំខាន់មួយ ដែលប្រព័ន្ធផ្សព្វផ្សាយរដ្ឋបានរាយការណ៍កាលពីថ្ងៃអង្គារ ដែលជាវេទិកាដែលលោកធ្លាប់បានប្រើដើម្បីធ្វើសេចក្តីប្រកាសគោលនយោបាយសំខាន់ៗសម្រាប់ឆ្នាំថ្មី។

ទីភ្នាក់ងារសារព័ត៌មានរដ្ឋ KCNA បានផ្សាយថា កិច្ចប្រជុំពេញអង្គលើកទី៤ នៃគណៈកម្មាធិការកណ្តាលលើកទី៨ នៃគណបក្សពលករកូរ៉េ (ហៅកាត់ WPK) ត្រូវបានកោះប្រជុំកាលពីថ្ងៃច័ន្ទ។

ជាក់ស្តែង ការប្រជុំមន្ត្រីបក្សនិងរដ្ឋាភិបាល ធ្វើឡើងនៅពេលដែលកូរ៉េខាងជើងជួបវិបត្តិសេដ្ឋកិច្ចដែលបង្កឡើងដោយការបិទប្រទេសប្រឆាំងនឹងជំងឺរាតត្បាត ការដាក់ទណ្ឌកម្មអន្តរជាតិលើកម្មវិធីអាវុធនុយក្លេអ៊ែរ និងគ្រោះមហន្តរាយធម្មជាតិ ជាដើម។

វាក៏កើតឡើងផងដែរ នៅពេលដែលប្រទេសកូរ៉េខាងជើងប្រារព្ធខួបលើកទី ១០ នៃការដែលលោក គីម ជុងអ៊ុន ចូលកាន់តំណែងជាមេបញ្ជាការកំពូលនៃយោធា បន្ទាប់ពីការស្លាប់របស់ឪពុក លោក គីម ជុងអ៊ីល ក្នុងឆ្នាំ ២០១១។

របាយការណ៍បានបន្តថា៖ «កិច្ចប្រជុំពេញអង្គគឺដើម្បីពិនិត្យការអនុវត្តគោលនយោបាយសំខាន់ៗរបស់បក្សនិងរដ្ឋ សម្រាប់ឆ្នាំ ២០២១»។

KCNA បានរាយការណ៍ទៀតថា កិច្ចប្រជុំនេះក៏នឹងពិភាក្សា និងសម្រេចចិត្តលើគោលនយោបាយនិងយុទ្ធសាស្ត្រ និងជំហានជាក់ស្តែងសម្រាប់ "ដឹកនាំយ៉ាងស្វាហាប់ក្នុងការតស៊ូរបស់បក្ស និងប្រជាជន ដើម្បីឈានទៅរកដំណាក់កាលថ្មីនៃការអភិវឌ្ឍន៍ការកសាងសង្គមនិយមទៅកាន់ដំណាក់កាលបន្ទាប់នៃជ័យជំនះ" ។ NR