បរទេស៖ កសិករបានប្រមូលផ្តុំគ្នានៅក្នុងរដ្ឋអ៊ុតតាប្រាដេស កាលពីថ្ងៃអាទិត្យដើម្បីប្រឆាំងនឹងច្បាប់កសិកម្មដ៏ចម្រូងចម្រាសដែលពួកគេនិយាយថាបានបំផ្លាញដល់ការរស់នៅរបស់ពួកគេ។

មន្រ្តីស្រុក Amit Singh បាននិយាយថាមនុស្សប្រហែល ១៥០.០០០ នាក់បានចូលរួមការជួបជុំនេះនៅក្នុងទីក្រុង Muzaffarnagar ។ ក្រុមកសិកររបស់សាមយុកតាគីសានម៉ូច (SKM) បាននិយាយថាមានអ្នកតវ៉ាប្រហែល ១ លាននាក់បានប្រមូលផ្តុំគ្នា។ នេះបើយោងតាមការចុះផ្សាយដោយ CNN។

លោក Rakesh Tikait មេដឹកនាំកសិករដ៏លេចធ្លោម្នាក់បានប្រាប់ក្រុមបាតុករថាការធ្វើបាតុកម្មនៅថ្ងៃអាទិត្យនឹងធ្វើឱ្យចលនានេះផ្ទុះឡើងវិញ និងធ្វើឱ្យកកស្ទះចរាចរណ៍។ លោកថា ការតវ៉ាបានស្ងប់ស្ងាត់កាលពីខែមេសានៅពេលដែលប្រទេសឥណ្ឌាត្រូវបានរាតត្បាតដោយរលកទី ២ នៃការឆ្លងវីរុសកូរ៉ូណា។

យ៉ាងណាមិញ ឥឡូវនេះមេដឹកនាំកសិករកំពុងអំពាវនាវឱ្យធ្វើកូដកម្មទូទាំងប្រទេសនៅថ្ងៃទី ២៧ ខែកញ្ញាបើទោះបីជាការស្នើសុំឱ្យធ្វើកូដកម្មស្រដៀងគ្នានាពេលកន្លងមកបានទទួលជោគជ័យរួចហើយក៏ដោយ ៕