(ភ្នំពេញ)៖សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានលើកគំនិតពីការផ្តល់មេធាវីដើម្បីការពារនារីក្នុងសេវាកំសាន្ត«ខារ៉ាអូខេ បៀហ្កាដេន អ្នករត់តុ» ក៏ដូចជាជួយក្នុងការផ្តល់បណ្ណ បសស ដល់ពួកគេផងដែរ។នេះបើតាមគណនីហ្វេសបុករបស់ រដ្ឋមន្ត្រីក្រសួងព័ត៌មាន នាព្រឹកថ្ងៃទី ២៩ ខែមករា ឆ្នាំ២០២៣។ 

រដ្ឋមន្ត្រីក្រសួងព័ត៌មានបន្ថែមថា មតិណែនាំសម្តេចនេះត្រូវបានធ្វើឡើង ក្នុងសម័យមហាសន្និបាតវិសាមញ្ញតំណាងទូទាំងប្រទេសរបស់គណបក្សប្រជាជន នៅវិមាន ៧ មករា ថ្ងៃទី ២៩ មករា ២០២៣។