ភ្នំពេញ ៖ លោកវរសេនីយ៍ទោ ភឿក ជីវ័ន្ដ មេបញ្ជាការរងកងអនុសេនាធំវិស្វកកម្មព្រលានយន្ដហោះលេខ៧២៩ ប្រចាំតំបន់តេសសាលីត បានទទួលមរណភាព ដោយរោគពាធ ក្នុងពេលបំពេញបេសកម្មមនុស្សធម៌អង្គការសហប្រជាជាតិ នៅប្រទេសម៉ាលី កាលពីថ្ងៃទី៩ ខែកុម្ភៈ ឆ្នាំ២០២៣ ក្នុងជន្មាយុ ៤២ឆ្នាំ។

នេះបើយោងតាមលិខិតរំលែកមរណទុក្ខរបស់ មជ្ឈមណ្ឌលជាតិគ្រប់គ្រងកងកម្លាំងរក្សាសន្ដិភាព បោសសំអាតមីន និងកាកសំណល់សង្គ្រាម ផ្ញើជូនចំពោះ លោក វង្ស ស្រីទូច និងក្រុមគ្រួសារ នៃសព នាពេលថ្មីៗនេះ៕