U-19 ម៉ាឡេសុី បានត្រឹមស្មើគ្នាជាមួយ U-19 តាជីគីស្ថាន ដោយលទ្ធផល ២ទល់២ ប្រចាំពូល D នៅក្នុងពានរង្វាន់ AFC U-19 Championship 2018 ដែលប្រទេសឥណ្ឌូនេសុី ធ្វើជាម្ចាស់ផ្ទះ ខណៈការប្រកួតនេះ មានការពិន័យកាតក្រហម ២ និងកីឡាកររបស់តាជីគីស្ថាន របួសរហូតដល់បាក់ជើងផងដែរ។ 

ការប្រកួតម្សិលមិញ មានការគ្រាប់បាល់កើតឡើងចំនួន ៤គ្រាប់ដោយខាងម៉ាឡេសុី រកបានដោយកីឡាករ Muhammad Hadi នៅនាទី ១១ និងការទាត់ចូលទីខ្លួនឯងរបស់កីឡាករ Hanonov Vahdat ( Own Goal ) នៅនាទី ៥៥ ចំណែកឯខាង តាជីគីស្ថាន រកបានដោយកីឡាករ​ Panshanbe នៅនាទី ៣៤ និងកីឡាករ Yodgorov Daler នៅនាទី ៤៥។

នៅក្នុងការប្រកួតនោះផងដែរ អាជ្ញាកណ្ដាលសញ្ជាតិហ៊្សកដានី បានចាយកាតក្រហមចំនួន ២សន្លឹកជូនដល់ក្រុមទាំងពី ដោយខាង តាជីគីស្ថាន ពិន័យលើកីឡាករ Nurmatov Khuseyn រីឯខាងម៉ាឡេសុី ពិន័យលើកីឡាករ Nabil Hakim ក្រោយបង្កកំហុសលើកីឡាករ Fuzaylov Ziyovuddin រហូតដល់បាក់ជើងផងដែរ។

ទស្សនាវិដេអូកីឡាករ Fuzaylov Ziyovuddin របួសបាក់ជើងកំឡុងការប្រកួត៖