លោក Ole Gunnar Solskjær ដែលជាអតីតខ្សែរប្រយុទ្វManchester United ត្រូវបានប្រធានក្លឹបប្រកាសតែងតាំជាគ្រូបង្វឹកបណ្តោះអាសន្ន របស់ក្លឹបបិចសាចក្រហមនៅថ្ងៃនេះ រហូតដល់ចុងបញ្ចប់នៃរដូវកាល 2018 - 2019។ លោក Ole Gunnar Solskjær ធ្លាប់លេង និង រកគ្រាប់បាល់បាន 126 គ្រាប់ ក្នុងការបង្ហាញខ្លួន 366 ប្រកួតឱ្យក្លឹបManchester Unitedនៅចន្លោះឆ្នាំ 1996 និង 2007 ។ នៅឆ្នាំ 2008 គាត់បានក្លាយជាអ្នកចាត់ការបម្រុងរបស់ក្លឹប មុនពេលគាត់ទទួលតួនាទីជាគ្រូបង្វឹក FC Molde នៅប្រទេសន័រវែស។

លោក Ole Gunnar Solskjær  នឹងត្រូវចូលរួមដឺកនាំក្លឹបជាមួយលោក Mike Phelan Michael Carrick និង Kieran McKenna ។លោក Ole Gunnar Solskjær បាននិយាយថា៖ "ក្រុម Manchester United ស្ថិតនៅក្នុងបេះដូងរបស់ខ្ញុំហើយវាអស្ចារ្យណាស់ដែលបានវិលត្រលប់មកវិញ មកកាន់តួូនាទីនេះ នៅទឹកដី Old Traford ។ ខ្ញុំកំពុងទន្ទឹងរង់ចាំធ្វើការជាមួយក្រុមកីឡាករដែលមានទេពកោសល្យ និង បុគ្គលិក និងមនុស្សគ្រប់គ្នានៅក្នុង ក្លឹប»។

លោក Ed Woodward អនុប្រធានប្រតិបតិរបស់ Manchester United បានមានប្រសាសន៍ថា “លោក Ole Gunnar Solskjær គឺជាវិរះបុរស របស់ក្លឹបដែលមានបទពិសោធន៍យ៉ាងច្រើនទាំងនៅលើទីលាន និងតួនាទីជាគ្រូបង្វឹក។ ប្រវត្តិសាស្រ្តរបស់គាត់ ដែលធ្លាប់ជាកីទ្បាករនៅ Manchester United មានន័យថាគាត់រស់និងដកដង្ហើមទទួលចំនេះដឹង នៅទីនេះហើយ អ្នករាល់គ្នានៅឯក្លឹបគឺរីករាយដើម្បីឱ្យគាត់ ត្រឡប់មកវិញ។ យើងមានទំនុកចិត្តថាគាត់នឹងបង្រួបបង្រួមកីឡាករ និងអ្នកគាំទ្រ នៅពេលគាត់ឈានជើងចូលទីលាននៅពាក់កណ្តាលរដូវកាលនេះ។