នៅថ្ងៃ ទី៣០ ខែកក្កដា ឆ្នាំ ២០២០ ក្រោមការចង្អុលដឹកនាំពីលោក គៀត ច័ន្ទថារិទ្ធ អគ្គនាយកអន្តោប្រវេសន៍ បានអនុញ្ញាតឲ្យនាយកដ្ឋានស៊ើបអង្កេត និងអនុវត្តនីតិវិធី សហការជាមួយ ប៉ុស្តិ៍នគរបាលច្រកទ្វារព្រំដែនអន្តរជាតិបាវិត នៃនាយកដ្ឋានច្រកទ្វារទី២ ធ្វើការបណ្តេញចេញជនជាតិវៀតណាមចំនួន ៤៨នាក់ តាមប្រកាសក្រសួងមហាផ្ទៃ ដោយហាមចូល កម្ពុជា រយៈពេល ០៣ឆ្នាំ។

លោកកែម សារិន ប្រធាននាយកដ្ឋានស៊ើបអង្កេត និងអនុវត្តនីតិវិធី បានឲ្យដឹងថា ជនជាតិវៀតណាមទាំង ៤៨នាក់ ស្រី ០៣នាក់ ត្រូវបានកម្លាំងនាយកដ្ឋានស៊ើបអង្កេត និងអនុវត្តនីតិវិធី សហការជាមួយស្នងការដ្ឋាននគរបាលខេត្តកោះកុង ដោយមានការដឹកនាំ និងសម្របសម្រួលផ្នែកច្បាប់ ពីតំណាងអយ្យការអមសាលាដំបូងខេត្តកោះកុង ចុះបង្រាប-ឃាត់ខ្លួន កាលពីថ្ងៃទី០៨ ខែកក្កដា ឆ្នាំ ២០២០ នៅស្រុកស្រែអំបិល ខេត្តកោះកុង ពាក់ព័ន្ធនឹងបទល្មើស លួចឆ្លងដែន-ស្នាក់នៅ និងធ្វើការងារដោយខុសច្បាប់៕SP