អឺរ៉ុប៖ ក្រុមបិសាចក្រហម Manchester United ក៏បានចូលខ្លួនប្រជែងជាមួយ Chelsea ផងដែរ ក្នុងការទិញយកអ្នកចាំទី Jan Oblak របស់ក្រុម Atletico Madrid ។នេះបើយោងតាមប្រភព DailyMail

យ៉ាងណាមិញ ក្រុមបិសាចក្រហម ក៏មានបញ្ហាអ្នកចាំទីដូចក្រុម Chelsea ដែរ។ David de Gea បានបង្កកំហុសជាច្រើនលើករដូវកាលនេះ ដែលធ្វើឱ្យមានការសង្ស័យជាច្រើនជុំវិញជម្រើសដំបូងឬអ្នកចាំទីដៃទី១របស់គេ។ ដោយសូម្បីតែលោក Ole ដែលជាអ្នកចាត់ការក្រុមនោះ ក៏មិនហានធានាបានសម្រាប់រដូវកាលក្រោយថា De Gea នឹងរក្សាតំណែងដៃទី១ឬអត់ដែរ។

គួរដឹងថា ក្រុមបិសាចក្រហម Man Utd មើលឃើញថា Oblak ជាអ្នកចាំទីល្អ ហើយពួកគេគិតថាសក្ដិសមបំផុតក្នុងការចូលមកជួយក្រុម។ តែការប្រជែងជាមួយ Chelsea នឹងមិនមែនជារឿងងាយស្រួលដែរ។ មួយវិញទៀតតម្លៃខ្លួនរបស់គេ ក៏នឹងមិនថោកដែរ ព្រោះកុងត្រាជាមួយ AT Madrid ក៏មានរយះពេលយូរដែរ៕RT