ខ្សែប្រយុទ្ធឆ្នើមសញ្ជាតិព័រទុយហ្កាល់ Cristiano Ronaldo ត្រូវបានធ្វើតេស្តវិជ្ជមានវីរុសកូវីដ-១៩ហើយ ខណៈដែលលោកត្រូវខកខានប្រកួតរវាងក្រុមជម្រើសជាតិព័រទុយហ្កាល់ ជាមួយក្រុមជម្រើសជាតិស៊ុយអែត។ ទន្ទឹមនោះ Ronaldo នឹងត្រូវដាក់ឲ្យធ្វើចត្តាឡីស័ក១៤ថ្ងៃ។
បើតាមសហព័ន្ធបាល់ទាត់ព័រទុយហ្កាល់នៅថ្ងៃអង្គារ៍នេះ បានអះអាងថា Cristiano Ronaldo នឹងត្រូវចាកចេញពីទីលានហ្វឹកហាត់ ក្រោយទទួលលទ្ធផលតេស្តវិជ្ជមានវីរុសកូរ៉ូណាឬកូវីដ-១៩។ យ៉ាងណាបច្ចុប្បន្នតារាបាល់ទាត់លំដាប់អន្តរជាតិរូបនេះមិនបង្ហាញរោញសញ្ញាគួរឲ្យកត់សម្គាល់ឡើយ។
