អ្នកដំណើរទាំង៣៦៧នាក់ ត្រូវបានជម្លៀសចេញពីយន្តហោះ Japan Airlines ដែលរងការឆាបឆេះ ពេលចុះចតនៅព្រលានយន្តហោះ Tokyo Haneda ប្រទេសជប៉ុន
10 ខែ មុន
ជប៉ុន៖ យោងតាមក្រុមហ៊ុន Japan Airlines បានឲ្យដឹងថា ជើងហោះហើរលេខ ៥១៦ ដែលធ្វើដំណើរពីអាកាសយានដ្ឋាន New Chitose ទៅកាន់អាកាសយានដ្ឋាន Haneda បានបុកជាមួយយន្តហោះរបស់ឆ្មាំសមុទ្រជប៉ុន បន្ទាប់ពីចុះចតនៅអាកាសយានដ្ឋាន Haneda បណ្ដាលឲ្យយន្តហោះរបស់ក្រុមហ៊ុនមួយនេះកំពុងឆេះ ខណៈអ្នកដំណើរប្រមាណ ៣៦៧ នាក់ក៏ត្រូវបានណែនាំឲ្យជម្លៀសចេញផងដែរ ។
យោងតាមក្រុមហ៊ុន Japan Airlines បានឲ្យដឹងថា យន្តហោះដែលកំពុងឆេះនេះ គឺចាកចេញពីព្រលានយន្តហោះ New Chitose នៅម៉ោង ៤ រសៀល និងចុះចតនៅអាកាសយានដ្ឋាន Haneda នៅវេលាម៉ោង ៥ និង ៤០ នាទីល្ងាចថ្ងៃទី២ ខែមករានេះ ខណៈខាងក្រុមហ៊ុនកំពុងវាយតម្លៃការខូចខាត ៕
