អូស្តា្រលី៖ អាជ្ញាធរអូស្រ្តាលីបានបញ្ជាក់ថាមានហេតុការណ៍​ឧទ្ធម្ភាគចក្រ២គ្រឿងបានបុ​កគ្នា​នៅ​លើផ្ទៃអាកាស ក្នុងរដ្ឋQueensland ភាគខាងកើតប្រទេស បណ្តាលឱ្យមនុស្ស៤នាក់ស្លាប់ និង៣​នាក់រងរបួសធ្ងន់ធ្ងរ។ នេះបើតាមការចេញផ្សាយដោយ ទីភ្នាក់ងារព័ត៌មាន AFP នៅថ្ងៃចន្ទ ទី២ ខែមករា ឆ្នាំ២០២៣។

 នារសៀលថ្ងៃចន្ទនេះ នៅក្បែររីសតមួយកន្លែងឈ្មោះថា Sea World ស្ថិតក្នុងទីក្រុងហ្កោល ខូស (Gold Coast)។ ការប៉ះទង្គិចគ្នានោះបានធ្វើឱ្យឧទ្ធម្ភាគចក្រ១គ្រឿង ត្រូវបំផ្លិចបំផ្លាញទាំងស្រុង ហើយធ្លាក់ទៅលើឆ្នេរខ្សាច់។ ចំណែកឯឧទ្ធម្ភាគចក្រ១គ្រឿងទៀត ក៏បានរងការខូចខាតគួរសមផងដែរ ប៉ុន្តែនៅអាចចុះចតបាន។ ជាលទ្ធផល មនុស្ស៤នាក់បានបាត់បង់ជីវិត ខណៈ៣នាក់រងរបួស​ធ្ងន់ និង៦នាក់រងរបួសស្រាល។

 សូមបញ្ជាក់ថា ហេតុការណ៍គ្រោះថ្នាក់នេះ អាជ្ញាធរអូស្រ្តាលីកំពុងស៉ើបអង្កេតរក មូលហេតុ​ដែលនៃការ ក្របុកគ្នា ខណៈសាក្សីមួយចំនួន បានអះអាងថា មុនពេលកើតហេតុ ឧទ្ធម្ភាគចក្រ១គ្រឿង ហាក់កំ​ពុងតែព្យាយាមហោះឡើង រីឯ១គ្រឿងទៀតកំពុងព្យាយាមចុះចត៕