ព្រះសីហនុ ៖ ឯកឧត្តម  គួច ចំរើន អភិបាល នៃគណៈអភិបាលខេត្តព្រះសីហនុ នៅថ្ងៃទី ០៤ ខែតុលានេះ បានប្រកាសឱ្យប្រជាពលរដ្ឋបង្កើនការប្រុងប្រយ័ត្ន និងហាមប្រជានេសាទផ្អាកការចេញទូនេសាទនៅក្នុងលម្ហសមុទ្រ។

សារសំឡេងរបស់ ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ អំពាវនាវនេះ បានធ្វើឡើងនៅថ្ងៃហ្វេសបុកផេកផ្លូវការរបស់រដ្ឋបាលខេត្តព្រះសីហនុ ។អភិបាលខេត្ត បញ្ជាក់ថា ផ្អែកតាមការព្យាករណ៍អាកាសធាតុនឹងមានព្យុះ ចាប់ផ្ដើមពីប្រទេសហ្វីលីពីន បក់បោកទៅកោះតៃវ៉ាន់ ដែលនឹងបង្កឱ្យមានភ្លៀង ព្យុះ រលកធំៗ នៅក្នុងសមុទ្រកម្ពុជា៕