ភ្នំពេញ ៖ នៅថ្ងៃទី១១ ខែវិច្ឆិកា ឆ្នាំ២០២០ លោក ថោង ខុន រដ្ឋមន្ដ្រីក្រសួងទេសចរណ៍  បានណែនាំដល់គ្រប់មន្ទីរទេសចរណ៍រាជធានី-ខេត្ត ត្រូវបន្តកិច្ចសហការជំរុញការអនុវត្តវិធានសុវត្ថិភាពទេសចរណ៍ នៅគ្រប់មូលដ្ឋានអាជីវកម្ម និងត្រូវរៀបចំជាកម្មវិធីចុះត្រួតពិនិត្យជាប់ជាប្រចាំ។

លោករដ្ឋមន្ត្រីក៏បានណែនាំបន្ថែមផងដែរ ដល់ថ្នាក់ដឹកនាំ និងមន្ត្រីជំនាញក្រសួងទេសចរណ៍ ឱ្យបន្តចុះត្រួតពិនិត្យ និងផ្ទៀងផ្ទាត់ការងារអនុវត្តវិធានសុវត្ថិភាពទេសចរណ៍នេះ នៅតាមគោលដៅរាជធានី-ខេត្តទាំង ២៥ ប្រកបដោយប្រសិទ្ធភាពខ្ពស់។

ក្រសួងទេសចរណ៍បានពាំនាំប្រយោគ ក្រើនរំលឹករបស់លោក ថេដ្រូស អាដាណម (Tedros Adhanom Ghebreyesus) អគ្គលេខាធិការអង្គការសុខភាពពិភពលោក (WHO) ដែលបានលើកឡើងយ៉ាងដូច្នេះថា «យើងទាំងអស់គ្នាអាចនឹងធុញទ្រាន់ជាមួយកូវីដ-១៩ តែកូវីដមិនធុញទ្រាន់នឹងយើងឡើយ»៕EB