ក្រុមប៉ូលិសថៃកំណត់អត្តសញ្ញាណបុរសប៉ូឡូញ២នាក់ ដែលបានធ្វើទណ្ឌកម្មលើស្ត្រីខ្មែរយ៉ាងសាហាវ
ថៃ៖ស្ត្រីខ្មែម្នាក់ត្រូវបាន ក្រុមម៉ាហ្វៀរជនជាតិប៉ូឡូញបានបោកបញ្ឆោត នាងឱ្យទៅគូរូប នាងនិយាយថា បុរសទាំងនោះបានកាប់ និងចាក់នាងនឹងកាំបិត វាយនាងនឹងញញួរ និងជះទឹកអាស៊ីតពេញខ្លួនប្រាណ បណ្តាលឱ្យនាងមានរបួស និងហូរឈាមពេញខ្លួន ។
ស្ត្រីវ័យ៣០ឆ្នាំរូបនេះជាសិល្បករឯករាជ្យធ្វើការឱ្យមូលនិធិសប្បុរសធម៌កម្ពុជា។ នាងបានចំណាយពេលមួយឆ្នាំមុន នៅប៉ាតាយ៉ា។ ការវាយប្រហារនេះបានកើតឡើងនៅដើមខែមុន។ នាយប៉ុស្តិ៍ប៉ូលីស Bang Lamung បានប្រាប់ The Pattaya News កាលពីម្សិលមិញថា នាងកំពុងសម្រាកព្យាបាលនៅមន្ទីរពេទ្យ Bangkok Pattaya ។
ឥឡូវនេះ ក្រុមម៉ាហ្វៀរដែលបានធ្វើបានរូបនាង ត្រូវបានកំណត់អត្តសញ្ញាណហើយ ក្នុងនោះមាន លោក Daniel Majewski អាយុ ២២ ឆ្នាំ និងលោក Mateusz Piotr Krynicki អាយុ៣១ ឆ្នាំត្រូវបានគេដាក់ឈ្មោះថាជាជនសង្ស័យចម្បងនៅក្នុងឧក្រិដ្ឋកម្មដ៏សាហាវនេះ។ ការស៊ើបអង្កេតរបស់ប៉ូលីសបង្ហាញថា អ្នកទាំងពីរបានស្នាក់នៅក្នុងតំបន់ប៉ាតាយ៉ាងខាងលិច តាំងពីថ្ងៃទី ២០ ខែតុលា។ មួយថ្ងៃមុនពេលដែលពួកគេបានប្រព្រឹត្តបទឧក្រិដ្ឋ ពួកគេបានដើរចេញពីផ្ទះដែលគេបោះបង់ចោលនៅ Naklua ខណៈដែលពួកគេគ្រោងនឹងវាយប្រហារ។
មុនពេលកើតហេតុ ស្ត្រីជនជាតិខ្មែរ ដែលនិយាយថា មិនស្គាល់បុរស និងគ្មានទំនាក់ទំនងជាមួយពួកគេ មុនពេលកើតហេតុ បានជួបបុរសជនជាតិប៉ូឡូញពីរនាក់ ពួកគេបានចាប់នាងដោយបង្ខំ ហើយនាំនាងទៅផ្ទះបោះបង់ចោល។ នៅទីនោះ ពួកគេបានបិទមាត់នាង ចងនាងនឹងខ្សែភ្លើង ហើយចាប់ផ្តើមធ្វើទារុណកម្មដ៏ថោកទាប វត្ថុតាងមួយចំនួនត្រូវបានប្រមូលពីផ្ទះនោះ ហើយបច្ចុប្បន្នកំពុងត្រូវបានគេពិនិត្យ DNA និងស្នាមមេដៃពីជនសង្ស័យដោយមន្ទីរពិសោធន៍ប៉ូលិស ។
ការស៊ើបអង្កេតបង្ហាញថា បុរសជនជាតិប៉ូឡូញទាំងពីរនាក់បានរត់ចេញពីប្រទេសភ្លាមៗបន្ទាប់ពីឧក្រិដ្ឋកម្ម។ ពួកគេបានហោះទៅហ្វីលីពីននៅថ្ងៃទី៣ ខែវិច្ឆិកា។កាលពីថ្ងៃទី១០ ខែវិច្ឆិកា តុលាការខេត្តប៉ាតាយ៉ា បានចេញដីកាចាប់ខ្លួនបុរសជនជាតិប៉ូឡូញទាំងពីរនាក់ ដីកាត្រូវបានចេញសម្រាប់ការចោទប្រកាន់ពីបទឃុបឃិតក្នុងការរំលោភលើរាងកាយ និងឃុំខ្លួនអ្នកដទៃដោយខុសច្បាប់។ ទន្ទឹមនឹងនេះ ប៉ូលីសនៅ Bang Lamung កំពុងធ្វើការជាមួយ Interpol ដើម្បីទទួលបានដីកាចាប់ខ្លួនអន្តរជាតិ ដើម្បីចាប់ខ្លួនបុរសទាំងនោះ ហើយនាំពួកគេមកកាត់ទោស៕
