ភ្នំពេញ៖ នៅទីបំផុត ម្ចាស់រថយន្តពាក់ស្លាកលេខ ន.ប ដែលធ្វើឱ្យផ្ទុះការរិះគន់ ពេញបណ្ដាញសង្គម ចំពោះកាយវិការមិនសមរម្យ ទៅលើបុគ្គលិកបម្រើការងារនៅផ្លូវល្បឿនលឿន នាពេលថ្មីនេះ បានជួបទល់មុខគ្នា ក្នុងស្មារតីផ្សះផ្សានិងការអធ្យាស្រ័យគ្នា។

ក្នុងជំនួបនេះ ម្ចាស់រថយន្តន.ប បានទទួលស្គាល់កំហុស និងធ្វើការសុំទោស ភាគីបុគ្គលិកបម្រើការងារនៅផ្លូវល្បឿនលឿន ហើយភាគីខាងបុគ្គលិកផ្លូវល្បឿនលឿន ក៏យល់ព្រមអធ្យាស្រ័យផងដែរ ។ជាមួយគ្នានេះ អ្នកបើកបររថយន្ដខាងលើ ក៏បានអរគុណដល់មហាជន ដែលទុកឱកាសឲ្យរូបលោក បានកែខ្លួន នៅកំហុងឆ្គង ដែលជាអចេតនាផងដែរ៕