ស្រីលង្កា៖ប៉ូលិសស្រីលង្កាបានប្រកាសកាលពីថ្ងៃអាទិត្យទី២៤ធ្នូ ពីការចាប់ខ្លួនមនុស្សជិ ត១ម៉ឺ ន៥ពាន់នាក់ ក្នុងអំឡុងពេលមួយសប្តាហ៍នៃការប្រឆាំងគ្រឿងញៀនដែលគាំទ្រដោយយោធា គឺជាការបង្ក្រាបមួយដែលត្រូវបានបរិហារដោយសកម្មជនសិទ្ធិមនុស្ស។
ប៉ូលិសបានឱ្យដឹងថា ប្រតិបត្តិការរបស់ពួកគេមានឈ្មោះថា «Yuktiya ឬយុត្តិធម៌» បានឈានដល់ ការរឹបអូសថ្នាំញៀនជិត៤៤០គីឡូក្រាម រួមទាំងកញ្ឆា២៧២គីឡូក្រាម, hashish៣៥គីឡូក្រាម និងហេរ៉ូអ៊ីន៩គីឡូក្រាម។ អាជ្ញាធរជឿថា មហាសមុទ្រឥណ្ឌាត្រូវបានគេប្រើប្រាស់ជាចំណុចឆ្លងកាត់ជួញដូរគ្រឿងញៀន។
សេចក្តីថ្លែងការណ៍របស់ប៉ូលិស បានបរិយាយថា ជនសង្ស័យចំនួន១៣៦៦៦នាក់ត្រូវបានចាប់ខ្លួន ខណៈដែលអ្នកញៀនថ្នាំជិត១១០០នាក់ត្រូវបានឃុំខ្លួន និងបញ្ជូនទៅធ្វើការស្តារនីតិសម្ប ទាជាកំហិត នៅឯមជ្ឈមណ្ឌលគ្រប់គ្រងដោយយោធា។ ប្រព័ន្ធផ្សព្វផ្សាយក្នុងស្រុកបានបង្ហាញខ្សែវីដេអូរបស់ប៉ូលិ ស និងទាហានដែលប្រើឆ្កែហិតក្លិន ដើម្បីត្រួតពិនិត្យផ្ទះក្នុងរដ្ឋធានី និងកន្លែងផ្សេងទៀត។ ប៉ូលិស បានបញ្ជាក់ថា ការវាយឆ្មក់ និងផ្អាកសម្រាប់ថ្ងៃឈប់សម្រាកបុណ្យណូអែល ខណៈដែលម ន្ត្រីចាំបាច់ ត្រូវដាក់ពង្រាយលើភារកិច្ចទាក់ទងនឹងសន្តិសុខ ប៉ុន្តែនឹងបន្តឡើងវិញបន្ទាប់ពីថ្ងៃអង្គារ។
មេធាវីសិទ្ធិមនុស្ស លោក Hejaaz Hizbullah បាននិយាយថា ការវាយឆ្មក់របស់ប៉ូលិស គឺខុសច្បាប់ ខណៈដែលពួកគេត្រូវបានធ្វើឡើងដោយគ្មានដីកាត្រួតពិនិត្យ ហើយបានជំរុញឱ្យជនរងគ្រោះទទួល បានព័ត៌មានលម្អិតពីមន្រ្តី ដើម្បីចាប់ផ្តើមសកម្មភាពផ្លូវច្បាប់នៅពេលក្រោយ។ ចំណែក សកម្មជ នសិទ្ធិ មនុស្ស លោកស្រី Ambika Satkunanathan បានបង្ហោះនៅលើប្រព័ន្ធផ្សព្វផ្សាយសង្គមថា ការស្វែ ងរកមិនផ្អែកលើភស្តុតាងទេ ប៉ុន្តែជាគោលដៅតែតំបន់ក្រីក្រ។
លោកស្រីបន្តថា ប៉ូលិសកំពុងចាប់ខ្លួនអ្នកប្រើប្រាស់គ្រឿងញៀន និងអ្នកជួញដូរតូចតាច ប៉ុន្តែមិនផ្តោតលើមេក្លោងជួញដូរទ្រង់ទ្រាយធំទេ។ គួររំឭកថា ការបង្រ្កាបគ្រឿងញៀនដ៏ធំបំផុតរបស់ស្រីលង្កា គឺនៅខែធ្នូ ឆ្នាំ២០១៦ ដែលប៉ូលិសចាប់បានកូកាអ៊ីន៨០០គីឡូក្រាម៕
