អាមេរិក៖ក្រសួងយុត្តិធម៌របស់សហរដ្ឋអាម៉េរិក បានឱ្យដឹងកាលពីថ្ងៃព្រហស្បតិ៍ទី ៣ ខែសីហាថា ទាហាន ជើងទឹកអាម៉េរិក២នាក់ត្រូវបានចោទប្រកាន់ និងចាប់ខ្លួនពីបទបញ្ជូនព័ត៌មានយោធា អាម៉េរិកដ៏រ សើបដល់មន្ត្រីចារកម្មចិន។

បុរសទាំង ២ ត្រូវបានគេសង្ស័យថាបានលក់ព័ត៌មានសម្ងាត់ទៅឱ្យទីក្រុងប៉េកាំង ដែលរួមបញ្ចូល សៀវភៅណែនាំសម្រាប់នាវាចម្បាំង និងប្រព័ន្ធអាវុធរបស់ពួកគេ ក៏ដូចជាប្លង់មេសម្រាប់ប្រព័ន្ធរ៉ាដា និងផែនការសម្រាប់សមយុទ្ធយោធាដ៏ធំរបស់សហរដ្ឋអាម៉េរិក។ នាវិកម្នាក់ក្នុងចំណោមនាវិកទាំង ២ ឈ្មោះ Jinchao Wei ត្រូវបានចាប់ខ្លួនកាលពីថ្ងៃពុធទី ២ ខែសីហា នៅពេលដែលគេទៅបំពេ ញ ការងារនៅឯមូលដ្ឋានទ័ពជើងទឹក San Diego ។ នាវិកម្នាក់ទៀត គឺ Wenheng Zhao ធ្វើការនៅមូលដ្ឋានទ័ពជើងទឹក Ventura County ក្នុងទីក្រុង Port Hueneme ក្នុងរដ្ឋកាលី ហ្វ័រញ៉ា។

នៅក្នុងសេចក្តីប្រកាសព័ត៌មានមួយ នាយកដ្ឋានយុត្តិធម៌ បានបង្ហាញថា នាវិក Wei Jinchao ដែល បម្រើការលើនាវាវាយប្រហារតាមអាកាស USS Essex ក្នុងទីក្រុង San Diego បានប្រគល់ឯកសារ រូបថត និងវីដេអូរាប់សិបដែលរៀបរាប់លម្អិតអំពីប្រតិបត្តិការនាវា និងប្រព័ន្ធអាវុធរបស់សហរដ្ឋអា ម៉េរិកទៅកាន់យក្សអាស៊ីចិន។

ពាក់ព័ន្ធនឹងបញ្ហានេះ លោក Matt Olson ជំនួយការអគ្គមេធាវីនៃក្រសួងសន្តិសុខជាតិ បាននិយាយនៅក្នុងសន្និសីទសារព័ត៌មានកាលពីថ្ងៃព្រហស្បតិ៍ថា៖«ការបំបែកសំណុំរឿងនេះបានលាតត្រដាងពីការប្តេជ្ញាចិត្តរបស់សាធារណរដ្ឋប្រជាមានិតចិនក្នុងការទទួលបានព័ត៌មានពាក់ព័ន្ធនឹងវិស័យការពារជាតិរបស់យើងដោយប្រើគ្រប់មធ្យោបាយ ដើម្បីផលប្រយោជន៍របស់ពួកគេ»។ 

សរុបមក ការចាប់ខ្លួននេះ គឺជាលើកទីបីហើយ ដែលសមាជិកសេវាកម្មអាម៉េរិក ត្រូវបានចាប់ខ្លួន និងចោទប្រកាន់ពីបទចារកម្ម។ សមាជិកសេវាកម្មអាម៉េរិកម្នាក់ទៀតដែលអាចចូលប្រើព័ត៌មានការពារជាតិគឺ លោក Jack Teixeira ត្រូវបានចោទប្រកាន់ពីបទធ្វើឱ្យបែកធ្លាយព័ត៌មានសម្ងាត់ដែលគេទទួលបានជាផ្នែកមួយនៃការងារនៅក្នុងកងឆ្មាំជាតិអាកាសរដ្ឋ Massachusetts ទៅកាន់វេទិកាប្រព័ន្ធផ្សព្វផ្សាយសង្គម Discord។ ការចាប់ខ្លួននេះក៏កើតឡើងចំពេលមានការព្រួយបារម្ភកាន់តែខ្លាំងឡើងដោយយោធាអាម៉េរិកថា ចិនកំពុងបោះជំហានជាយុទ្ធសាស្ត្រប្រឆាំងនឹងសហរដ្ឋអាម៉េរិក ជាពិសេសកងទ័ពជើងទឹកចិន ដែលឥឡូវនេះមានប្រៀបជាងកងនាវាចរអាម៉េរិក៕