ឥណ្ឌា ៖ រដ្ឋាភិបាលទីក្រុងញូវដែលីបានច្រានចោល របាយការណ៍មួយរបស់កាសែត New York Times (NYT) ដែលបានចោទប្រកាន់ក្រុមហ៊ុនការពារជាតិ និងអវកាសដ៏ធំបំផុតមួយរបស់ប្រទេសឥណ្ឌា ពាក់ព័ន្ធនឹងការបញ្ជូនទំនិញ ដែលផលិតដោយចក្រភពអង់គ្លេសទៅកាន់ប្រទេសរុស្ស៊ី។ 

ប្រភពពីរដ្ឋាភិបាលឥណ្ឌា បានហៅរបាយការណ៍នេះថា ជាព័ត៌មានមិនត្រឹមត្រូវ និងធ្វើឱ្យមានការយល់ច្រឡំ ដោយបដិសេធការអះអាងប្រឆាំងនឹងក្រុមហ៊ុន Hindustan Aeronautics Limited (HAL) ដែលជាក្រុមហ៊ុនយក្សគ្រប់គ្រងដោយរដ្ឋដែល ផលិតយន្តហោះចម្បាំង ឧទ្ធម្ភាគចក្រ ម៉ាស៊ីនយន្តហោះ អាកាសចរណ៍ និងគ្រឿងបន្លាស់ផ្សេងៗ។

របាយការណ៍របស់កាសែតខាងលើ អះអាងថាក្រុមហ៊ុនផលិតយន្តហោះអង់គ្លេស H.R. Smith Group បានដឹកជញ្ជូនឧបករណ៍មួយចំនួនទៅ HAL ដែលជាដៃគូពាណិជ្ជកម្មដ៏ធំបំផុត ហើយបញ្ជូនបន្តទំនិញនេះទៅប្រទេសរុស្ស៊ី។ ទោះយ៉ាងណាក៏ដោយ N.R. Smith បានបដិសេធរឿងនេះ ហើយ NYT ខ្លួនឯងបានកត់សម្គាល់នៅក្នុងរបាយការណ៍ថា កំណត់ត្រាមិនបង្ហាញថា ផលិតផលរបស់ N.R. Smith ដែលបានទៅដល់ដៃប្រទេសរុស្ស៊ីនោះទេ។

សូមបញ្ជាក់ថា ទំនាក់ទំនងរវាងឥណ្ឌា និងរុស្ស៊ី គមានភាពជិតស្និត រហូតដល់ ប្រធានាធិបតីរុស្ស៊ី លោក Vladimir Putin បានទទួលយកការអញ្ជើញពីនាយករដ្ឋមន្ត្រីឥណ្ឌា លោក Narendra Modi ដើម្បីបំពេញទស្សនកិច្ចផ្លូវការនៅប្រទេសឥណ្ឌានាពេលដ៏ខ្លីខាងមុខផងដែរ៕