ខេត្តស្ទឹងត្រែង ៖ សមត្ថកិច្ចនៃមន្ទីរប្រឆាំងគ្រឿងញៀន ក៩សហការជាមួយកម្លាំងBLO,ប្រចាំនៅច្រកព្រំដែនកម្ពុជាឡាវ កម្លាំងនគរបាលខេត្តស្ទឹងត្រែងកំពុងបើកការស្រាវជ្រាវតាមចាប់ មេក្លោងធំរត់ពន្ធគ្រឿងញៀនពីរនាក់ នៅចំណុចអូរអន្លង់ស្វាយក្នុងទឹកដី ឃុំព្រះរំកិលស្រុកបុរីអូរស្វាយសែនជ័យខេត្តស្ទឹងត្រែងជាប់ទៅនិងព្រំប្រទល់ខេត្តព្រះវិហារ។

ក្នុងការចុះបង្ក្រាប ដោយសមត្ថកិច្ចបានរឹបអូស គ្រឿងញៀនប្រភេទមេតំហ្វេតាមីន (ICE) ទម្ងន់១៦០ដុំ ស្មើនឹងទម្ងន់ ១៥៩គីឡូក្រាម ៤៤៩.៨៦ ក្រាម, ទូរស័ព្ទ០១គ្រឿង និងគោយន្តកន្ត្រៃចំនួន ១គ្រឿង។ ចំណែកជនសង្ស័យចំនួន ២នាក់ បានរត់គេចខ្លួន។ថ្នាំញៀនប្រភេទមេតំហ្វេតាមីនមានចំនួន៦បេ ស្មើ៦០ដុំ គិតជាទម្ងន់ជាង១៥៩គីឡូក្រាម៕