ប៉ាគីស្ថាន៖  អតីតនាយករដ្ឋមន្ត្រីប៉ាគីស្ថាន លោក អ៊ីមរ៉ាន់ ខាន់ ដែលកំពុងជាប់ពន្ធនាគារ ទៅកាន់អ្នកគាំទ្រ។ ក្រុមអ្នកវិភាគបាននិយាយ ថា ការអភិវឌ្ឍន៍ដ៏គួរឱ្យភ្ញាក់ផ្អើល អាចជួយឱ្យគណបក្សនយោបាយរបស់លោកឈ្នះការបោះឆ្នោតនាពេលខាងមុខ។

សំឡេងរបស់អតីតនាយករដ្ឋមន្ត្រីប៉ាគីស្ថានរូបនេះ ត្រូវបានប្រើដើម្បីនិយាយតាមព្រឹត្តិការណ៍អនឡាញមួយនៅលើប្រព័ន្ធផ្សព្វផ្សាយសង្គមដែលមើលដោយមនុស្សជាងមួយលាននាក់។ សុន្ទរកថារយៈពេលបួននាទីត្រូវបានសរសេរដោយលោក Khan នៅក្នុងពន្ធនាគារ និងថ្លែងដោយ AI ។

ពាក់ព័ន្ធទៅនឹងហេតុការណ៍នេះ រដ្ឋាភិបាលប៉ាគីស្ថានមិនបានធ្វើអត្ថាធិប្បាយទេ។លោកKhan ស្ទើរតែមិនមានទំនាក់ទំនងជាមួយពិភពខាងក្រៅទេ ចាប់តាំងពីលោក ត្រូវបានជាប់ពន្ធនាគារ កាលពីខែសីហា ក្រោមការចោទប្រកាន់ពីបទពុករលួយ។ លោកប្រឈមមុខនឹងករណីផ្លូវច្បាប់មួយចំនួនទៀត ដែលធ្វើឲ្យលោកមិនអាចប្រកួតប្រជែងការបោះឆ្នោតសភាថ្ងៃទី ៨ ខែកុម្ភៈ ឆ្នាំ២០២៤ខាងមុខនេះ។ 

សូមបញ្ជាក់ថា ការប្រើប្រាស់ AI នៅលើសម្លេងរបស់លោកKhan និងការភ្ញាក់ផ្អើលដែលវាត្រូវបានបង្កើត បង្ហាញពីប្រជាប្រិយភាពរបស់លោក។ វាក៏បង្ហាញផងដែរថាតើគណបក្សនយោបាយរបស់លោក Khan មានភាពជឿនលឿនកម្រិតណាបើប្រៀបធៀបទៅនឹងគណបក្សចាស់ដែលបង្កើតឡើង។

លោក Umayr Hassan វិស្វករកុំព្យូទ័រដែលមានមូលដ្ឋាននៅទីក្រុង Lahore បាននិយាយថា "ការប្រើប្រាស់បញ្ញាសិប្បនិមិត្តនៅក្នុងប្រទេសប៉ាគីស្ថានគឺជាអ្វីដែលថ្មី ហើយសូម្បីតែខ្ញុំមិនបានរំពឹងថា គណបក្សPTI អាចប្រើវាមុនការបោះឆ្នោតក្នុងកិច្ចខិតខំប្រឹងប្រែងដើម្បីប្រមូលផ្តុំអ្នកគាំទ្រទេ៕