ចិន៖ បុគ្គលិកនៅតាមទីក្រុងរាប់លាននាក់បាននឹងកំពុងធ្វើដំណើរឆ្លងកាត់ពាសពេញប្រទេសចិន កាលពីថ្ងៃពុធ មុនដល់ថ្ងៃធំនៃថ្ងៃសុក្រ ដែលជាការធ្វើចំណាកស្រុកដ៏ធំរបស់ប្រទេសនេះ សម្រាប់ពិធីបុណ្យចូលឆ្នាំថ្មី ខណៈដែលមេដឹកនាំរបស់ប្រទេសចិនបានសម្លឹងមើលការធ្វើឱ្យសេដ្ឋកិច្ចប្រសើរឡើងវិញដែលរងគ្រោះដោយសារជំងឺកូវីដ១៩។

ជាក់ស្តែង ដោយមិនមានការខ្វល់ខ្វាយ នៅពេលដែលមន្ត្រីកាលពីខែមុនបានបញ្ចប់រយៈពេល ៣ឆ្នាំ នៃការរឹតបន្តឹងលើជំងឺកូវីដ ១៩ ដ៏តឹងតែងបំផុតមួយចំនួនរបស់ពិភពលោក បុគ្គលិក អ្នកធ្វើការបានសំរុកចូលទៅក្នុងស្ថានីយ៍រថភ្លើង និងអាកាសយានដ្ឋាន ដើម្បីឆ្ពោះទៅកាន់ស្រុកកំណើតនៅជនបទរបស់ពួកគេ ដោយបង្កឱ្យមានការព្រួយបារម្ភពីការរីករាលដាលនៃមេរោគកាន់តែទូលំទូលាយ។

អ្នកសេដ្ឋកិច្ចកំពុងពិនិត្យមើលរដូវវិស្សមកាល ដែលគេស្គាល់ថា ជាពិធីបុណ្យនិទាឃរដូវ សម្រាប់ភាពភ្លឺស្វាងនៃការស្ទុះងើបឡើងវិញនៃប្រទេសដែលជាសេដ្ឋកិច្ចធំទីពីររបស់ពិភពលោក បន្ទាប់ពីទិន្នន័យ GDP ថ្មីកាលពីថ្ងៃអង្គារ បានបង្ហាញឱ្យឃើញពីការធ្លាក់ចុះសេដ្ឋកិច្ចយ៉ាងខ្លាំងនៅក្នុងប្រទេសចិន។

ខណៈពេលដែលអ្នកវិភាគមួយចំនួនរំពឹងថា ការងើបឡើងវិញនឹងមានភាពយឺតយ៉ាវ ឧបនាយករដ្ឋមន្ត្រីចិន លោក Liu He បានប្រកាសទៅកាន់វេទិកាសេដ្ឋកិច្ចពិភពលោកក្នុងប្រទេសស្វីស កាលពីថ្ងៃអង្គារថា ប្រទេសចិនបានបើកចំហចំពោះពិភពលោកបន្ទាប់ពីឃុំខ្លួនអស់រយៈពេលបីឆ្នាំនៃជំងឺរាតត្បាត។

យ៉ាងណាម៉ិញ ប្រព័ន្ធផ្សព្វផ្សាយរដ្ឋបានរាយការណ៍ថា មន្ត្រីរដ្ឋបាលអន្តោប្រវេសន៍ជាតិបាននិយាយថា ជាមធ្យមមនុស្សកន្លះលាននាក់ បានចូល ឬចេញ ពីប្រទេសចិនក្នុងមួយថ្ងៃ ចាប់តាំងពីព្រំដែនរបស់ខ្លួនបានបើកនៅថ្ងៃទី ៨ ខែមករា។ ប៉ុន្តែនៅពេលដែលបុគ្គលិកចាកចេញពីទីក្រុងធំៗ ដូចជាទីក្រុងសៀងហៃ ជាកន្លែងដែលក្រុមមន្ត្រីនិយាយថា មេរោគបានឡើងដល់កម្រិតកំពូលនោះ មនុស្សជាច្រើនកំពុងធ្វើដំណើរទៅកាន់ក្រុង និងភូមិដែលមនុស្សចាស់មិនទាន់បានចាក់វ៉ាក់សាំង មិនទាន់បានប៉ះពាល់នឹងជំងឺកូវីដ ១៩ នៅឡើយ។

ទោះបីជាយ៉ាងណាក៏ដោយ នៅពេលដែលការកើនឡើងនៃជំងឺកូវីដ ១៩ កាន់តែខ្លាំង អ្នកខ្លះកំពុងដកមេរោគចេញពីការគិតរបស់ពួកគេ នៅពេលពួកគេធ្វើដំណើរទៅកាន់ច្រកចេញដំណើរនោះ។ អ្នកធ្វើដំណើរឆ្លងកាត់ស្ថានីយ៍រថភ្លើង និងរថភ្លើងក្រោមដីក្នុងទីក្រុងប៉េកាំង និងសៀងហៃ ដោយមានវ៉ាលីសធំៗជាមួយប្រអប់អាហារ និងអំណោយ ជាដើម។ NR