អាមេរិក៖ យោងតាមអាជ្ញាធរក្នុងតំបន់បានឱ្យដឹងថា មនុស្ស៣នាក់បានស្លាប់នៅក្នុងការវាយប្រហារដ៏ធំទូលាយមួយនៅក្នុងទីក្រុង Nottingham ភាគកណ្តាលនៃប្រទេសអង់គ្លេសកាលពីថ្ងៃអង្គារ រួមទាំងសិស្សពីរនាក់ផងដែរ។នេះបើតាមការចេញផ្សាយដោយសារព័ត៌មានAljazeera នៅថ្ងៃទី១៤ ខែមិថុនា ឆ្នាំ២០២៣។

ប៉ូលីស Nottinghamshire បាននិយាយថាបុរសអាយុ៣១ ឆ្នាំម្នាក់ត្រូវបានចាប់ខ្លួនដោយសង្ស័យពីបទឃាតកម្ម។ជាមួយគ្នានេះដែរ បុរសម្នាក់ក្នុងវ័យ៥០ឆ្នាំក៏ត្រូវបានគេប្រទះឃើញស្លាប់នៅផ្លូវ Magdala ប៉ូលីសបាននិយាយថា ពួកគេជឿថាឧប្បត្តិហេតុទាំងបីគឺជាប់ទាក់ទងគ្នា ។

ប៉ូលីសត្រូវបានគេជូនដំណឹងជាលើកដំបូងចំពោះឧប្បត្តិហេតុមួយនៅលើផ្លូវ Ilkeston ក្បែរកណ្តាលទីក្រុងកាលពីព្រឹកថ្ងៃអង្គារម៉ោងក្នុងស្រុកដែលមនុស្សពីរនាក់ដែលមានអាយុ១៩ ឆ្នាំត្រូវបានគេរកឃើញថាបានស្លាប់។ ក្រោយមក សាកលវិទ្យាល័យ Nottingham បានសរសេរនៅលើ Twitter ថា និស្សិតសាកលវិទ្យាល័យពីរនាក់ត្រូវបានសម្លាប់ ក្នុងនោះគេបាននិយាយ «យើងមានការតក់ស្លុត និងសោកស្ដាយចំពោះដំណឹងនេះ »៕