មនុស្ស៣នាក់ស្លាប់ និងជាង១០នាក់ផ្សេងទៀត បានរងរបួស ក្នុងករណីគ្រោះអគ្គីភ័យនៅតំបន់ Brooklyn Brownstone សហរដ្ឋអាមេរិក
អាមេរិក៖ មន្ត្រីពន្លត់អគ្គីភ័យនៅទីក្រុងញូវយ៉ក បាននិយាយថា មនុស្ស៣នាក់បានស្លាប់ និងច្រើននាក់ផ្សេងទៀតបានរងរបួសនៅក្នុងអគ្គីភ័យ ឆាបឆេះផ្ទះមួយខ្នងនៅ Brooklyn brownstone កាលពីព្រឹកថ្ងៃអាទិត្យ។នេះបើតាមការចេញផ្សាយដោយសារព័ត៌មានBBC នៅថ្ងៃទី ១៣ ខែវិច្ឆិកា ឆ្នាំ២០២៣។
អ្នកនាំពាក្យនាយកដ្ឋានពន្លត់អគ្គិភ័យក្រុងញូវយ៉កបាននិយាយថា អ្នកពន្លត់អគ្គិភ័យបានទទួលទូរស័ព្ទនៅម៉ោងប្រហែល ៤ និង ៣០ នាទីព្រឹក ពីផ្ទះមួយក្នុងទីក្រុង Crown Heights ។លោក John Esposito ប្រធានផ្នែកប្រតិបត្តិការអគ្គីភ័យបាននិយាយនៅក្នុងសន្និសីទសារព័ត៌មានថា "យើងបានរកឃើញអគារបីជាន់ដែលមានភ្លើងឆេះយ៉ាងខ្លាំង " ។ យោងតាមនាយកដ្ឋានពន្លត់អគ្គិភ័យបានឲ្យដឹងថា មនុស្សចាស់៣ នាក់ដែលមានជំងឺធ្ងន់ធ្ងរ ត្រូវបានគេបញ្ជូនទៅមន្ទីរពេទ្យ ខណៈទៅដល់មន្ទីរពេទ្យ ពួកគាត់ត្រូវបានប្រកាសថាបានស្លាប់ហើយ។
នាយកដ្ឋានប៉ូលីសញូវយ៉កបានកំណត់អត្តសញ្ញាណមនុស្សដែលត្រូវបានស្លាប់ រួមមាន៖ លោក Albertha West អាយុ ៨១ ឆ្នាំ លោក Michael West អាយុ ៥៨ ឆ្នាំ និង លោក Jamiyl West អាយុ ៣៣ ឆ្នាំ។
ប្រធានផ្នែកប្រតិបត្តិការអគ្គីភ័យបន្តថា ក្នុងនោះមាន មនុស្ស ១៤នាក់ផ្សេងទៀតបានរងរបួសនៅក្នុងភ្លើង ចំណែកអ្នកពន្លត់អគ្គិភ័យក៏បានរងរបួសផងដែរ ហើយបញ្ជូនទៅមន្ទីរពេទ្យ ប៉ុន្តែមិនគំរាមកំហែងអាយុជីវិតឡើយ ៕
អត្ថបទទាក់ទង
-
អាមេរិកស្ទាក់ទិញម៉ាស
-
អណ្តាតភ្លើងលេបត្របាក់រថយន្ត៣,៥០០គ្រឿង
