កប៉ាល់ផ្ទុកជនចំណាកស្រុកចំនួន ៤០០ នាក់ បាននឹងកំពុងធ្វើដំណើររសាត់អណ្តែតលើផ្ទៃទឹករវាងប្រទេសក្រិក និងប្រទេសម៉ាល់តា
បរទែស៖ កាលពីថ្ងៃអាទិត្យថា កប៉ាល់មួយដែលមានមនុស្សប្រហែល ៤០០ នាក់ ស្ថិតនៅលើនោះ បានអណ្តែតនៅចន្លោះប្រទេសក្រិចនិងម៉ាល់តា បន្ទាប់ពីមានការកើនឡើងយ៉ាងខ្លាំងនៃទូកជនចំណាកស្រុកឆ្លងកាត់សមុទ្រមេឌីទែរ៉ាណេពីអាហ្វ្រិកខាងជើង។
ក្នុងនោះពួកគេបានទទួលការហៅពីទូក ដែលបានចាកចេញពី Tobruk ក្នុងប្រទេសលីប៊ី ពេញមួយយប់ ហើយថាពួកគេបានជូនដំណឹងដល់អាជ្ញាធរ ប៉ុន្តែអាជ្ញាធរមិនទាន់បានបើកប្រតិបត្តិការជួយសង្គ្រោះរហូតមកដល់ពេលនេះទេ។ ជាងនេះទៅទៀត ទូកនេះឥឡូវស្ថិតនៅក្នុងតំបន់ស្វែងរក និងជួយសង្គ្រោះ Maltese (SAR)។
មនុស្សនៅលើកប៉ាល់កំពុងភ័យស្លន់ស្លោ ដោយពួកគេជាច្រើននាក់ត្រូវការជំនួយផ្នែកសុខភាព។ ពួកគេបាននិយាយថា កប៉ាល់នោះអស់សាំង ហើយផ្នែកខាងក្រោមរបស់វាជោរជន់ដោយទឹក ខណៈដែលអ្នកបើកកប៉ាល់បានចាកចេញ ហើយគ្មាននរណាម្នាក់អាចកាច់ចង្កូតទូកបានទេ។ ជាមួយគ្នានេះ អង្គការក្រៅរដ្ឋាភិបាលមួយទៀតឈ្មោះ Resqship របស់ប្រទេសអាឡឺម៉ង់ បាននិយាយកាលពីថ្ងៃអាទិត្យថា យ៉ាងហោចណាស់មានជនចំណាកស្រុកចំនួន ២៣ នាក់ស្លាប់ក្នុងមួយយប់នៅសមុទ្រមេឌីទែរ៉ាណេ ក្នុងការលិចកប៉ាល់ដាច់ដោយឡែកមួយ។
គួររំលឹកថា កាលពីសប្តាហ៍មុន ជនចំណាកស្រុកចំនួន ៤៤០ នាក់ ត្រូវបានជួយសង្គ្រោះចេញពីប្រទេសម៉ាល់តា បន្ទាប់ពីប្រតិបត្តិការដ៏ស្មុគស្មាញរយៈពេល ១១ ម៉ោង នៅក្នុងសមុទ្រដែលមានព្យុះដោយនាវា Geo Barents នៃអង្គការសប្បុរសធម៌ពេទ្យគ្មានព្រំដែន (ហៅកាត់ MSF) ។ NR
