អាមេរិក៖អ្នកការទូតកំពូលរបស់សហរដ្ឋអាមេរិក ជំរុញឱ្យទួរគីអនុម័តការចូលជាសម្ព័ន្ធមិត្តរបស់ស៊ុយអែត ថាទីក្រុងវ៉ាស៊ីនតោនបានប្តេជ្ញាចិត្តចំពោះសន្តិសុខរបស់រដ្ឋធានី Stockholm ។នេះបើតាមការចេញផ្សាយដោយសារព័ត៌មានAljazeera នៅថ្ងៃទី៣១ ខែឧសភា ឆ្នាំ២០២៣។

សហរដ្ឋអាមេរិកបានជំរុញប្រទេសទួរគីឱ្យយល់ព្រមលើការចូលជាសមាជិករបស់ស៊ុយអែតទៅក្នុងអង្គការណាតូ ដោយរដ្ឋមន្ត្រីការបរទេសលោក Antony Blinken បាននិយាយថា "ដល់ពេលហើយ" សម្រាប់ប្រទេសអឺរ៉ុបខាងជើងដើម្បីចូលរួមសម្ព័ន្ធភាព។

ថ្លែងជាមួយនាយករដ្ឋមន្រ្តីស៊ុយអែត Ulf Kristersson កាលពីថ្ងៃអង្គារ អ្នកការទូតកំពូលរបស់សហរដ្ឋអាមេរិកបាននិយាយថា ប្រទេសស៊ុយអែតមានលក្ខណៈសម្បត្តិគ្រប់គ្រាន់ដើម្បីចូលរួមជាមួយអង្គការណាតូ "ពីមួយថ្ងៃទៅមួយថ្ងៃ" ហើយបានចាត់វិធានការសំខាន់ៗដើម្បីដោះស្រាយបញ្ហាសន្តិសុខ "ស្របច្បាប់" របស់ប្រទេសទួរគី។

សូមបញ្ជាក់ថា ហុងគ្រី និងទួរគីមិនបានផ្តល់សច្ចាប័នលើការចូលជាសមាជិករបស់ស៊ុយអែតទេ ប្រទេសទួរគីបានចោទប្រកាន់ប្រទេសស៊ុយអែតពីបទផ្តល់ទីជម្រកសុវត្ថិភាពដល់សមាជិកនៃគណបក្សពលករឃឺដ (PKK) ដែលខ្លួនចាត់ទុកថាជាក្រុម “ភេរវករ”៕