កូរ៉េខាងជើង៖ ទីបញ្ជាការអង្គការសហប្រជាជាតិបាននិយាយថា ប្រទេសកូរ៉េខាងជើងបា​នបញ្ជាក់ពីការឃុំឃាំង នៅក្នុងការឆ្លើយតបលើកដំបូងរបស់ខ្លួនចំពោះសំណើ​សុំព័ត៌មាន​អំពីក​ន្លែងលាក់ខ្លួនរបស់ទាហានអាមេរិករូបនេះ។ នេះបើតាមការចេញផ្សាយដោយសារព័ត៌មានAljazeera នៅថ្ងៃទី៣ ខែសីហា ឆ្នាំ២០២៣។

ទាហានរូបនេះ មានអាយុ​២៣​ឆ្នាំ​ បាន​ឆ្លង​កាត់​ព្រំដែន​ពី​ប្រទេស​កូរ៉េ​ខាង​ត្បូង​កាល​ពី​ថ្ងៃ​ទី​១៨ ខែ​កក្កដា បញ្ជាការអង្គការសហប្រជាជាតិបាននិយាយថា ក្រុងព្យុងយ៉ាង​មិនផ្តល់ព័ត៌មាន​លម្អិតបន្ថែម​អំពីការឆ្លើយ នៅឡើយទេ។

ទីបញ្ជាការអង្គការសហប្រជាជាតិ ដែលការពារតំបន់គ្មានយោធា (DMZ) បានស្វែងរកព័ត៌មានអំពី Pvt King ដោយប្រើខ្សែទូរស័ព្ទផ្ទាល់របស់ខ្លួនទៅកាន់កងទ័ពកូរ៉េខាងជើងនៅក្នុងតំបន់សន្តិសុខរួម។​កន្លងមក ប្រជាជនកូរ៉េខាងជើងបានទទួលស្គាល់សំណើនេះ ប៉ុន្តែនេះជាលើកទីមួយ​ហើយដែលពួកគេ​បានឆ្លើយតប ដោយបញ្ជាក់ថា ទាហានអាមេរិកកំពុងស្ថិតក្នុងការឃុំឃាំងរបស់ពួកគេ។

សូមបញ្ជាក់ថា​ Travis King ​ជាទាហាន​អាមេរិកឯកទេសឈ្លបយកការណ៍ ដែលបានចូលបម្រើ​ក្នុ​ងជួរកងទ័ពតាំ​ងពីខែមករា ឆ្នាំ 2021 ហើយបានស្ថិតនៅក្នុងប្រទេសកូរ៉េខាងត្បូងដែលជាផ្នែ​កនៃការបង្វិលរបស់គាត់៕