អាមេនី៖អាមេនី និងអាស៊ែបៃហ្សង់បានរាយការណ៍ថាមានទាហានជិត ១០០ នាក់បានស្លាប់កាលពីថ្ងៃអង្គារនៅក្នុងការប្រយុទ្ធដ៏អាក្រក់បំផុតរបស់ពួកគេចាប់តាំងពីសង្រ្គាមឆ្នាំ២០២០លើតំបន់ជម្លោះ Nagorno-Karabakh ។នេះបើតាមការចេញផ្សាយដោយសារព័ត៌មានDWនៅថ្ងៃទី១៤ ខែកញ្ញា ឆ្នាំ២០២២។

កាលពីថ្ងៃអង្គារ ក្រសួងការពារជាតិនៅទីក្រុងបាគូបាននិយាយថា "ទាហានអាស៊ែបៃហ្សង់ ៥០ នាក់បានស្លាប់ដោយសារការបង្កហេតុទ្រង់ទ្រាយធំរបស់ប្រទេសអាមេនី" ខណៈដែលមុននេះ អាមេនីបានរាយការណ៍អំពីការស្លាប់របស់ទាហានរបស់ខ្លួនយ៉ាងហោចណាស់ ៤៩នាក់។

អាស៊ែបៃហ្សង់បានចោទប្រកាន់អាមេនីថាបានរំលោភលើបទឈប់បាញ់បន្ទាប់ពីការប៉ះទង្គិចគ្នាមួយយប់ដែលបានធ្វើឱ្យមានការភ័យខ្លាចជាថ្មីនៃជម្លោះទាំងមូលរវាងសត្រូវជាប្រវត្តិសាស្ត្រ។

យោធារបស់បាគូបាននិយាយថា "ទោះបីជាមានការប្រកាសបទឈប់បាញ់ចាប់តាំងពីថ្ងៃទី 9 (ក៏ដោយ អាមេនីកំពុងបំពានយ៉ាងខ្លាំងលើបទឈប់បាញ់នៅតាមព្រំដែនដោយប្រើកាំភ្លើងធំ និងអាវុធធុនធ្ងន់ផ្សេងទៀត"។អាមេនីបានអំពាវនាវដល់មេដឹកនាំពិភពលោកឱ្យជួយបន្ទាប់ពីការប្រយុទ្ធគ្នាបានផ្ទុះឡើងដោយចោទប្រកាន់អាស៊ែបៃហ្សង់ពីការព្យាយាមឈានទៅមុខនៅលើទឹកដីរបស់ខ្លួន៕SP