យ៉ាងហោចណាស់មនុស្ស៤៤នាក់ស្លាប់ និង៥៦នាក់បាត់ខ្លួននៅប្រទេសប្រេស៊ីល ដោយសាទឹកជំនន់ និងការរអិលបាក់ដី
ប្រេស៊ីល៖ អាជ្ញាធរប្រេស៊ីលបាននិយាយកាលពីថ្ងៃអាទិត្យថា មានករណីភ្លៀងធ្លាក់យ៉ាងគំហុកនៅភាគឦសានប្រទេសប្រេស៊ីល បានបណ្តាលឲ្យមនុស្សយ៉ាងតិច ៤៤នាក់ស្លាប់ និងរាប់សិបនាក់បាត់ខ្លួន ខណៈក្រុមអ្នកជួយសង្គ្រោះចុះទៅទីកន្លែងកើតហេតុភ្លាមៗ ដើម្បីស្វែងរកអ្នកនៅរស់រានមានជីវិត។ នេះបើតាមការចេញផ្សាយដោយសារព័ត៌មាន Aljazeera នៅថ្ងៃទី៣០ខែ ឧសភា ឆ្នាំ២០២២។
រដ្ឋមន្ត្រីក្រសួងអភិវឌ្ឍន៍តំបន់ លោក Daniel Ferreira បានប្រាប់សន្និសីទសារព័ត៌មានឱ្យដឹងថា នៅទីក្រុង Recife រដ្ឋធានីនៃរដ្ឋ Pernambuco ភាគឦសានមាន អ្នកស្លាប់ចំនួន៤៤ នាក់ និងបាត់ខ្លួន ៥៦ នាក់ របួស ២៥ នាក់ ហើយមនុស្សជិត៤ពាន់ នាក់កំពុងជម្លៀសខ្លួនទៅរកកន្លែងមានសុវត្ថិភាព ខណៈ ៥៣៣បាត់បង់ផ្ទះសម្បែងទាំងស្រុង។
សូមបញ្ជាក់ថា នេះជាគ្រោះមហន្តរាយនេះ រអិលបាក់ដី និងទឹកជំនន់ដ៏ធ្ងន់ធ្ងរបំផុតមួយ នៅក្នុងប្រទេសប្រេស៊ីល នៅក្នុង
ឆ្នាំ២០២២។កាលពីឆ្នាំមុន ប្រជាជនប្រេស៊ីលរាប់រយនាក់បានស្លាប់នៅក្នុងគ្រោះទឹកជំនន់ ផងដែរដោយមនុស្សជាង២៣០នាក់ត្រូវបានស្លាប់នៅក្នុងទីក្រុង Petropolis ៕SP
