អេស្ប៉ាញ ៖ប្រធានាធិបតី លោក ចូ បៃដិន កំពុងពិភាក្សាជាមួយប្រទេសអេស្ប៉ាញ និងកាណាដា អំពីការទទួលយកជនភៀសខ្លួន សម្រាប់ការតាំងលំនៅថ្មី នៅអឌ្ឍគោលលោកខាងលិចបន្ថែមទៀត ដែលជាសញ្ញាបង្ហាញពីការប្តេជ្ញាចិត្ត ដែលអាចនឹងត្រូវបានប្រកាសនៅក្នុងកិច្ចប្រជុំកំពូលអាមេរិកនៅសប្តាហ៍ក្រោយនេះ។
សំណើនេះ កំពុងស្ថិតក្រោមការពិចារណាដោយរដ្ឋាភិបាលអេស្ប៉ាញ និងកាណាដា ប៉ុន្តែមិនមានការសម្រេចចិត្តណាមួយត្រូវបានធ្វើឡើងនោះទេ ខណៈដែលជំនួយការរបស់ប្រធានាធិបតី លោក ចូ បៃដិន បានរៀបចំដើម្បីស្វែងរកកិច្ចសហប្រតិបត្តិការ ក្នុងតំបន់កាន់តែច្រើនលើការដោះស្រាយការធ្វើចំណាកស្រុកមិនទៀងទាត់ នៅពេលដែលគាត់ស្ថិតនៅជាមួយមេដឹកនាំនៅ Los Angeles ។
ប្រសិនបើប្រទេសអេស្បាញ យល់ព្រមចាត់វិធានការ នោះនឹងទទួលយកជនភៀសខ្លួនលើសពីកម្មវិធីដែលមានរយៈពេលយូររបស់ខ្លួនសម្រាប់ការនាំយកកម្មករបណ្តោះអាសន្នពីអាមេរិកកណ្តាល។ ជាមួយគ្នានេះដែរ ប្រភពនៅវ៉ាស៊ីនតោន បាននិយាយថា ប្រទេសកាណាដា ដែលជាប្រទេសមានសុវត្ថភាពខ្ពស់ កំពុងថ្លឹងថ្លែង ថាតើត្រូវទទួលយកជនភៀសខ្លួនក្នុងតំបន់កាន់តែច្រើន និងក៏ដើម្បីបង្កើនចំនួនកម្មករហៃទីដែលខ្លួនអនុញ្ញាត។
គួររំលឹកថា វាមិនច្បាស់ទេ ថាតើអ្នកដែលអេស្ប៉ាញអាចយល់ព្រមតាំងលំនៅថ្មីគឺមកពីក្នុងចំណោមអ្នកស្វែងរកសិទ្ធិជ្រកកោនដែលមកដល់ព្រំដែនអាមេរិក-ម៉ិកស៊ិក ឬថាតើពួកគេនឹងត្រូវតម្រូវឱ្យដាក់ពាក្យនៅស្ថានទូត និងស្ថានកុងស៊ុលអាមេរិកក្នុងតំបន់ ឬតាមរយៈទីភ្នាក់ងារជនភៀសខ្លួនអន្តរជាតិ។ NR
