អន្តរជាតិ៖ កងទ័ពស៊ូដង់នៅថ្ងៃសុក្រ បាននិយាយថា ខ្លួនបានដណ្តើមគ្រប់គ្រងបញ្ជាការទូទៅរបស់កងទ័ពនៅកណ្តាលទីក្រុងខាទូម បន្ទាប់ពីមានការប៉ះទង្គិចគ្នារយៈពេលប្រាំពីរថ្ងៃជាមួយកងកម្លាំងគាំទ្ររហ័ស (RSF)។ នេះបើយោងតាមការចុះផ្សាយដោយទីភ្នាក់ងារសារព័ត៌មាន ស៊ីនហួ នៅថ្ងៃទី២២ មេសា ២០២៣។

មុននេះ RSF បានប្រកាសនៅក្នុងសេចក្តីថ្លែងការណ៍មួយបទឈប់បាញ់មនុស្សធម៌រយៈពេល ៧២ ម៉ោងក្នុងឱកាសនៃពិធីបុណ្យ Eid Al-Fitr ដែលកងទ័ពស៊ូដង់មិនបានឆ្លើយតប។ មិនមានស្ថិតិត្រឹមត្រូវអំពីចំនួនជនរងគ្រោះនៃការប៉ះទង្គិចគ្នាដោយប្រដាប់អាវុធនៅក្នុងទីក្រុង Khartoum និងទីក្រុងផ្សេងទៀតរបស់ស៊ូដង់នោះទេ។

ទោះបីជាយ៉ាងណាក៏ដោយ ក្រសួងសុខាភិបាលស៊ូដង់មុននេះថា ចំនួនអ្នកស្លាប់មានច្រើនជាង ៣០០នាក់ និងរបួសប្រហែល ៣,០០០នាក់ ខណៈដែលអង្គការសុខភាពពិភពលោកបាននិយាយកាលពីថ្ងៃសុក្រថា ចំនួនអ្នកស្លាប់មានលើសពី ៤០០នាក់។

គួរបញ្ជាក់ផងដែរថា ប្រទេសស៊ូដង់បានប៉ះទង្គិចគ្នាដោយអាវុធរវាងកងទ័ពស៊ូដង់ និង RSF នៅទីក្រុង Khartoum និងតំបន់ផ្សេងទៀតចាប់តាំងពីថ្ងៃទី ១៥ ខែមេសា ដោយភាគីទាំងពីរបានចោទប្រកាន់គ្នាទៅវិញទៅមកថាបានផ្តើមជម្លោះ៕