កូឡាឡាំពួរ៖ មនុស្សទាំង០៦នាក់នៅលើឧទ្ធម្ភាគចក្រដែលបានធ្លាក់នៅជិត Cameron Highlands រដ្ឋ Pahang កាលពីរសៀលថ្ងៃពុធសប្តាហ៍នេះ ត្រូវបានគេរកឃើញនៅមានជីវិត នេះបើយោងតាមការចុះផ្សាយដោយទីភ្នាក់ងារសារព័ត៌មាន ស៊ីនហួរ នៅថ្ងៃទី២៧ តុលា ២០២២។
ប៉ូលិសប្រចាំនៅតំបន់Perak លោក Mohd Yusri Hassan Basri បាននិយាយថា «មនុស្សទាំងអស់ត្រូវបានរកឃើញដោយសុវត្ថិភាពនៅលើភ្នំក្នុង Brinchang នៅម៉ោងប្រហែល ៤ រសៀល។»
យ៉ាងណាមិញ មនុស្សទាំងប្រាំមួយនាក់នោះ រួមមានសមាជិកក្រុមគ្រូពេទ្យចំនួន៥ នាក់ ដែលត្រូវបានគេរកឃើញថា មានរបួសស្រាល និងអ្នកបើកយន្តហោះម្នាក់ដែលបានរួចផុតពីរបួស។ ឧទ្ធម្ភាគចក្របានធ្លាក់នៅពេលដែលវាព្យាយាមចុះចតជាបន្ទាន់នៅក្នុងតំបន់ព្រៃក្បែរ Brinchang ក្នុងរដ្ឋ Pahang ។
