អាមេរិក៖ ក្រសួងការបរទេសអាមេរិកបាននិយាយថា រដ្ឋមន្ត្រីការបរទេសសហរដ្ឋអាមេរិកលោក Antony Blinken នឹងធ្វើដំណើរទៅកាន់ប្រទេសកេនយ៉ា នីហ្សេរីយ៉ា និងសេណេហ្គាល់ ចាប់ពីថ្ងៃទី 15-20 ខែវិច្ឆិកា។ នេះបើយោងតាមការចុះផ្សាយដោយទីភ្នាក់ងារសារព័ត៌មាន Reuter នៅថ្ងៃទី១២ វិច្ឆិកា ២០២១។

ក្រសួងការបរទេសអាមេរិកបាននិយាយនៅក្នុងសេចក្តីថ្លែងការណ៍មួយថា នៅទីក្រុងណៃរ៉ូប៊ី លោក Blinken នឹងជួបជាមួយប្រធានាធិបតីកេនយ៉ា លោក Uhuru Kenyatta ដើម្បីពិភាក្សាអំពីប្រធានបទរួមទាំងកិច្ចសហប្រតិបត្តិការលើការបញ្ចប់ជំងឺរាតត្បាត COVID-19 និងបញ្ហាសន្តិសុខក្នុងតំបន់ដូចជា ប្រទេសអេត្យូពី សូម៉ាលី និងស៊ូដង់។

លោក Blinken នឹងធ្វើដំណើរទៅទីក្រុង Abuja ដើម្បីជួបជាមួយប្រធានាធិបតីនីហ្សេរីយ៉ា Muhammadu Buhari ដើម្បីពិភាក្សាអំពីកិច្ចសហប្រតិបត្តិការលើសន្តិសុខសុខភាពពិភពលោក ការពង្រីកលទ្ធភាពទទួលបានថាមពល និងការធ្វើឱ្យប្រជាធិបតេយ្យរស់ឡើងវិញ។

យ៉ាងណាមិញ លោកនិងបន្តទៅទីក្រុង Dakar Blinken នឹងជួបជាមួយប្រធានាធិបតីសេណេហ្គាល់ Macky Sall "ដើម្បីបញ្ជាក់ឡើងវិញនូវភាពជាដៃគូជិតស្និទ្ធរវាងប្រទេសរបស់យើងទាំងពីរ" ។ RT