(ប៉ាគីស្ថាន)៖ យ៉ាងហោចណាស់មានមនុស្ស ២០នាក់បានស្លាប់ និង៤០នាក់ទៀតរងរបួស បន្ទាប់ពីគ្រោះរញ្ជួយដីកម្រិត ៥.៩រ៉ិចទ័រ វាយប្រហារលើខេត្ត Balochistan ស្ថិត នៅភាគនិរតីនៃប្រទេសប៉ាគីស្ថាននៅព្រឹកថ្ងៃព្រហស្បតិ៍ ទី០៧ ខែតុលា ឆ្នាំ២០២១នេះ។ នេះបើតាមសេចក្តីរាយការណ៍ដោយAFP។
អាជ្ញាធរប៉ាគីស្ថានបានរាយការណ៍ថា ជនរងគ្រោះដែលបាត់បង់ជីវិតគឺស្ថិក្នុងស្រុក Harnai នៃខេត្ត Balochistan ជាទីដែលផ្ទះជាច្រើនខ្នងបានបាក់រលំ។ ក្រុមអ្នកជួយសង្រ្គោះត្រូវបានបញ្ជូនទៅកាន់កន្លែងរងគ្រោះដោយសារគ្រោះរញ្ជួយដីខាងលើ ខណៈចំនួនអ្នកស្លាប់ត្រូវបានគេរំពឹងថាអាចនឹងបន្តកើនឡើង ហើយអាជ្ញាធរប៉ាគីស្ថានក៏បានប្រកាសភាពអាសន្ននៅក្នុងបណ្ដាស្រុកដែលរងផលប៉ះពាល់ដោយសារគ្រោះរញ្ជួយដីនេះផងដែរ៕PP
