(កូរ៉េខាងជើង)៖ប្រព័ន្ធផ្សព្វផ្សាយរដ្ឋបានរាយការណ៍ថាមេដឹកនាំកូរ៉េខាងជើង លោក គីម ជុងអ៊ុន បានអំពាវនាវឱ្យយោធាអនុវត្តការងារជួយសង្គ្រោះនៅតំបន់ដែលរងគ្រោះដោយភ្លៀងធ្លាក់ខ្លាំងនាពេលថ្មីៗនេះ។ទូរទស្សន៍រដ្ឋបានរាយការណ៍កាលពីដើមសប្តាហ៍នេះថាផ្ទះជាង ១.០០០ ខ្នងត្រូវបានខូចខាតហើយមនុស្សប្រមាណ ៥.០០០ នាក់ត្រូវបានជម្លៀសចេញបន្ទាប់ពីទឹកជំនន់បន្តបន្ទាប់។នេះបើតាមការចុះផ្សាយដោយBBC នៅថ្ងៃទី០៨ ខែសីហា ឆ្នាំ២០២១។

គួរបញ្ជាក់ថា គ្រោះទឹកជំនន់ដែលបានកើតឡើងនៅប្រទេសកូរ៉េខាងជើងនៅពេលនេះ ចំពេលដែលកូរ៉េខាងជើងកំពុងជួបវិបត្តិធ្ងន់ធ្ងរនៃការខ្វះខាតស្បៀងអាហារ។ ជាមួយគ្នានេះ លោក គីម ជុងអ៊ុន បាននិយាយថានៅពេលនោះវិស័យកសិកម្មបានបរាជ័យក្នុងការសំរេចគោលដៅគ្រាប់ធញ្ញជាតិរបស់ខ្លួនដោយសារព្យុះទីហ្វុងកាលពីឆ្នាំមុនដែលបណ្តាលឱ្យមានទឹកជំនន់ហើយភាគច្រើនអាស្រ័យលើការប្រមូលផលនៅឆ្នាំនេះ។វីដេអូពីទូរទស្សន៍ KCTV ដែលគ្រប់គ្រងដោយរដ្ឋបានបង្ហាញថាផ្ទះសម្បែងបានជន់លិចដល់ដំបូលផ្ទះរបស់ពួកគេព្រមទាំងស្ពាននិងផ្លូវដែកដែលខូចខាតនៅក្នុងខេត្តភាគខាងកើតនៃខេត្ត South Hamgyong ។ ផ្លូវនិងស្ពានប្រហែល ១៧ គីឡូម៉ែត្រត្រូវបានខូចខាត៕PP