ព្យុងយ៉ាង៖ មេដឹកនាំកូរ៉េខាងជើងលោក គីម ជុងអ៊ុន បាននិយាយថា ប្រទេសគួរតែត្រៀមសម្រាប់ទាំងការសន្ទនា និងការប្រឈមមុខជាមួយសហរដ្ឋអាមេរិក ជាពិសេសលើការប្រឈមមុខគ្នា នេះបើតាមប្រព័ន្ធផ្សព្វផ្សាយរដ្ឋ KCNA បានរាយការណ៍កាលពីថ្ងៃសុក្រ នៅក្នុងការតបតរផ្ទាល់ជាលើកដំបូងរបស់លោក ទៅលើរដ្ឋបាលរបស់លោក បៃដិន។

កំណត់សម្គាល់នេះបានធ្វើឡើងនៅក្នុងកិច្ចប្រជុំពេញអង្គ កាលពីថ្ងៃព្រហស្បតិ៍ នៃគណៈកម្មាធិការកណ្តាលរបស់គណបក្សពលករ (Workers' Party) កំពុងកាន់អំណាច បន្ទាប់ពីសម័យប្រជុំមុននេះ ដែលលោក គីម បានអំពាវនាវឱ្យមានវិធានការដើម្បីដោះស្រាយស្ថានភាពស្បៀងអាហារដែលតានតឹង ដែលបណ្តាលមកពីជំងឺរាតត្បាតឆ្លងកូរូណាវីរុស។KCNA បានផ្សាយថា លោក គីម បានធ្វើការវិភាគលម្អិតនៃគោលនយោបាយរដ្ឋបាលរបស់ប្រធានាធិបតីអាមេរិក ចូ បៃដិន ឆ្ពោះទៅរកក្រុងព្យុងយ៉ាង និងបានដាក់ចេញនូវយុទ្ធសាស្ត្រប្រឆាំងនឹងយុទ្ធសាស្ត្រសមស្របជាមួយសហរដ្ឋអាមេរិក។

គួររំលឹកថា ប្រទេសកូរ៉េខាងជើងបានប្រមាថមើលងាយដល់សហរដ្ឋអាមេរិក និងសម្ព័ន្ធមិត្តរបស់ខ្លួននៅក្នុងប្រទេសកូរ៉េខាងត្បូងកាលពីខែមុន នៅក្នុងសេចក្តីថ្លែងការណ៍ជាបន្តបន្ទាប់ដោយនិយាយថា ការអត្ថាធិប្បាយពីទីក្រុងវ៉ាស៊ីនតោនស្តីពីគោលនយោបាយរបស់កូរ៉េខាងជើងគឺជាភស្តុតាងនៃគោលនយោបាយអរិភាពដែលទាមទារឱ្យមានការឆ្លើយតបដែលត្រូវគ្នាពីទីក្រុងព្យុងយ៉ាង។ NR