(ភ្នំពេញ)៖សេចក្តីបកស្រាយបំភ្លឺ  និងបដិសេធរបស់ក្រុមការងារព័ត៌មាន  និងប្រតិកម្មរហ័សនៃស្នងការដ្ឋាននគរបាលរាជធានីភ្នំពេញ  ចំពោះការចុះផ្សាយព័ត៌មានមិនពិតរបស់គណនីហ្វេសបុកឈ្មោះ  Kim Vang ដែលបានចុះផ្សាយបំភ្លេីសខុសពីការពិត  ដែលធ្វេីឲ្យប្រជាពលរដ្ឋមានការយល់ច្រឡំ  ជាពិសេសក្នុងគោលបំណងអាក្រក់បង្ខូចកិត្តិយសរបស់សមត្ថកិច្ច

ការចុះផ្សាយរបស់គណនីហ្វេសបុកឈ្មោះ  Kim Vang នេះគឺជាព័ត៌មានមិនពិត  ជាក់ស្តែងករណីហិង្សានេះ  ត្រូវបានភាគីទាំងសងខាងយល់ព្រមសម្របសម្រួលបញ្ចប់រឿងដោយស្ម័គ្រចិត្តមិនមានការបង្ខិតបង្ខំពីខាងណាឡេីយ  ដោយភាគីបង្កយល់ព្រមទទួលកំហុស  និងសងជំងឺចិត្តចំនួន  ១,០០០ ដុល្លាដល់ជនរងគ្រោះសម្រាប់យកទៅព្យាបាលរបួស  ។ 

ករណីឈ្លោះបង្ករបួសស្នាមនេះបានកើតឡើងនៅថ្ងៃទី២០  ខែតុលា  ឆ្នាំ២០២០  វេលាម៉ោង១៧:០០នាទី  នៅមុខផ្ទះលេខ៨  ផ្លូវលេខ១៩៣កែង២៩៨ ដែលបង្កឡេីងដោយឈ្មោះ  ឆេន លីហេង ភេទប្រុស  អាយុ១៧ឆ្នាំ  មានទីលំនៅផ្ទះលេខ៤០៦E១  ផ្លូវ១៩៣  សង្កាត់ទួលស្វាយព្រៃទី១  ខណ្ឌបឹងកេងកង  មុខរបរលក់ត្រីអាំង ជាជនបង្ក  និងឈ្មោះ  លន់ សារិន ភេទប្រុស  អាយុ៥៩ឆ្នាំ  មុខរបររត់ម៉តូឌុប មានទីលំនៅផ្ទះលេខ៣០  ផ្លូវលំ  សង្កាត់គោគឃ្លា ង  ខណ្ឌសែនសុខ ជាជនរងគ្រោះ ៕