បរទេស៖ ក្រុមហ៊ុន AstraZeneca Plc’s (AZN.L) បាននិយាយនៅថ្ងៃអង្គារនេះថា វ៉ាក់សាំង AstraZeneca មានប្រសិទ្ធិភាពប្រឆាំងនឹងវ៉ារ្យ៉ង់វីរុស Delta និង Kappa ដែលត្រូវបានគេរកឃើញដំបូងនៅក្នុងប្រទេសឥណ្ឌា ។

សេចក្តីថ្លែងការណ៍នោះបាននិយាយថា ការសិក្សាដោយសាកលវិទ្យាល័យ Oxford បានសិក្សាលើសមត្ថភាពនៃអង្គបដិប្រាណ (monoclonal) នៅក្នុងឈាម ពីមនុស្សដែលបានរកឃើញ និងពីអ្នកដែលបានចាក់វ៉ាក់សាំងដើម្បីបន្សាបប្រឆាំងនឹងវ៉ារ្យ៉ង់វីរុស Delta និង Kappa។

កាលពីសប្តាហ៍មុន ការវិភាគដោយសុខភាពសាធារណៈអង់គ្លេស (PHE) ក៏បានបង្ហាញថា វ៉ាក់សាំងដែលផលិតដោយ Pfizer Inc (PFE.N) និង AstraZeneca ផ្តល់នូវការការពារខ្ពស់ជាង ៩០% ប្រឆាំងនឹងការចូលមន្ទីរពេទ្យពីវ៉ារ្យ៉ង់វីរុស Delta។

ជាមួយគ្នានេះដែរ ក្រុមហ៊ុនបាននិយាយផងដែរថា លទ្ធផលនៃការសិក្សាពីសាកលវិទ្យាល័យ Oxford ចុងក្រោយ ត្រូវបានបង្កើតឡើងដោយការវិភាគ PHE ថ្មីៗនេះ។

គួររំលឹកថា ប្រធានអ្នកវិទ្យាសាស្ត្ររបស់អង្គការសុខភាពពិភពលោក ក៏បាននិយាយកាលពីថ្ងៃសុក្រថា វ៉ារ្យ៉ង់វីរុស Delta កំពុងក្លាយជាប្រភេទជំងឺដែលមានសន្ទុះឆ្លងលឿននៅទូទាំងពិភពលោក។ NR